ວັນທີ 25 ທັນວານີ້, ເຮືອບິນໂດຍສານ ARJ21-700 ທີ່ຈີນຜະລິດເອງໄດ້ເຂົ້າຮ່ວມການສະແດງການບິນຢູ່ນະຄອນໄຫໂຂແຂວງໄຫຫຼຳ. ເທື່ອນີ້ເປັນເທື່ອທຳອິດຂອງເຮືອບິນ ARJ21-700 ທີ່ເຂົ້າຮ່ວມການສະແດງການບິນໂດຍສານຂ້າມທະເລ ເຊິ່ງໄດ້ສະແດງໃຫ້ເຫັນເຖິງຄວາມສາມາດຂອງເຮືອບິນລຸ້ນນີ້ພາຍໃຕ້ສະພາບດິນຟ້າອາກາດທະເລເຂດຮ້ອນ.
ການສະແດງຄັ້ງນີ້ໄດ້ບິນຂຶ້ນ ແລະລົງຈອດຢູ່ສະໜາມບິນສາກົນເໝີຍລານໄຫໂຂ, ໄດ້ດຳເນີນການບິນໂດຍສານຂ້າມທະເລເປັນເວລາປະມານ 2 ຊົ່ວໂມງ 30 ນາທີ ເຊິ່ງເປັນການສະແດງຄວາມສາມາດການບິນພາຍໃຕ້ສະພາບດິນຟ້າອາກາດທະເລເຂດຮ້ອນ. ການເຂົ້າຮ່ວມການສະແດງການບິນເທື່ອນີ້ເປັນການເປີດກວ້າງຂົງເຂດການບິນພາຍໃນປະເທດຂອງເຮືອບິນ ARJ21-700. ມາຮອດປັດຈຸບັນນີ້, ເຮືອບິນ ARJ21-700 ໄດ້ເດີນທາງຂຶ້ນລົງໃນສະໜາມບິນພາຍໃນປະເທດຫຼາຍສິບແຫ່ງແລ້ວ ເຊິ່ງເປັນການຢືນຢັນຄວາມສາມາດຂອງເຮືອບິນລຸ້ນນີ້ໃນເຂດຮ້ອນ, ເຂດຊຸ່ມ, ເຂດພູພຽງ ແລະເຂດໜາວ ເພື່ອສ້າງພື້ນຖານໃຫ້ແກ່ການບິນທາງທຸລະກິດໃນຂັ້ນຕໍ່ໄປ.