ເວັບໄຊອົງການພາສີໃຫຍ່ຈີນເປີດເຜີຍໃນວັນທີ 27 ທັນວານີ້ວ່າ, ໂດຍອີງຕາມກົດໝາຍຂໍ້ກຳນົດທີ່ກ່ຽວຂ້ອງຂອງຈີນແລະສັນຍາທີ່ຖືກຕ້ອງຕາມຫຼັກອະນາໄມສຳລັບການສົ່ງອອກເຂົ້າສານອາເມຣິກາໃຫ້ຈີນທີ່ສອງຝ່າຍໄດ້ລົງນາມກັນ, ຈີນໄດ້ອະນຸມັດການນຳເຂົ້າເຂົ້າສານຈາກອາເມຣິກາ, ແຕ່ເຂົ້າສານທີ່ອາເມຣິກາສົ່ງອອກໃຫ້ຈີນຕ້ອງຖືກກັບ “ການກວດກາຄຸນນະພາບແລະກັກກັນພະຍາດໃນເຂົ້າສານທີ່ນຳເຂົ້າຈາກອາເມຣິກາ”. ຂະນະດຽວກັນອົງການພາສີໃຫຍ່ຈີນໄດ້ເປີດເຜີຍເອກະສານຜະໜວກ “ວ່າດ້ວຍການກວດກາຄຸນນະພາບແລະກັກກັນພະຍາດໃນເຂົ້າສານທີ່ນຳເຂົ້າຈາກອາເມຣິກາ”.
ກ່ອນໜ້ານີ້, ເວັບໄຊຂອງກຸ່ມບໍລິສັດ COFCO ຈີນເຄີຍແຈ້ງຂ່າວໃນວັນທີ 19 ທັນວານີ້ວ່າ: “ເພື່ອປະຕິບັດຕາມຄວາມເປັນເອກະພາບກັນຂອງປະມຸກລັດສອງປະເທດຈີນແລະອາເມຣິກາ, ບໍລິສັດຕົນໄດ້ນຳເຂົ້າຖົ່ວເຫຼືອງຈຳນວນໜຶ່ງຈາກອາເມຣິກາໃນເມື່ອມໍ່ດົນມານີ້.”