“ສ່ວນປະກອບຂອງຢຸນນານ” ໃນງານຕະຫຼາດນັດການຄ້າການບໍລິການສາກົນຈີນປີ 2019
ໃນວັນທີ 28 ພຶດສະພາ,ງານຕະຫຼາດນັດການຄ້າການບໍລິການສາກົນຈີນປີ 2019 ໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນ.ງານຕະຫຼາດຄັ້ງນີ້ມີວິສາຫະກິດແລະອົງການທີ່ມາຈາກ130 ປະເທດແລະພາກພື້ນເຂົ້າຮ່ວມ, ດຳເນີນການວາງສະແດງແລະປຶກສາຫາລືການຮ່ວມມືໃນ 12 ເຂດດ້ານການຄ້າການບໍລິການ.
ອີງຕາມຂໍ້ມູນ,ຄະນະຜູ້ແທນແຂວງຢຸນນານຈາກ 13 ວິສາຫະກິດລວມທັງໝົດ 70 ກວ່າຄົນເຂົ້າຮ່ວມການວາງສະແດງໃນງານຕະຫຼາດນັດການຄ້າການບໍລິການສາກົນຈີນຄັ້ງນີ້,ແລະ ຈະດຳເນີນການປະຊາສຳພັນແລະການວາງສະແດງໃນດ້ານການຄ້າການບໍລິການອັນສຳຄັນເຊັ່ນ: ດ້ານການບໍລິການແພດໝໍຈີນແລະຢາພື້ນເມືອງ,ການຄ້າວັດທະນະທຳແລະອື່ນໆ.
ຊາພູເອີ,ໄມ້ໄຜ່ກັບເຄື່ອງປັ້ນດິນເຜົາປະສົມກັນຜະລິດເປັນຈອກນ້ຳຊາ,ຊຸດນ້ຳຊາ,ຜະລິດຕະພັນຫັດຖະກຳຊົນເຜົ່າແລະຜະລິດຕະພັນອື່ນໆ,ບໍ່ພຽງແຕ່ສະແດງສະເໜ່ຂອງຫັດຖະກຳມູນເຊື້ອປະເພນີແຂວງຢຸນນານ,ແລະດຶງດູດນັກທ່ອງທ່ຽວມາຊົມເບິ່ງ,ແຕ່ຍັງມີຜະລິດຕະພັນທີ່ໄດ້ຮັບການຈຳໜ່າຍໄປ20 ກວ່າແຂວງແລະເມືອງໃນ ສປ ຈີນແລະສົ່ງອອກໄປຍັງຫຼາຍປະເທດແລະພາກພື້ນທົ່ວໂລກ.
ນອກຈາກເຂົ້າຮ່ວມວາງສະແດງແລະກອງປະຊຸມແນະນຳແລ້ວ,ຄະນະຜູ້ແທນແຂວງຢຸນນານຈະເຂົ້າຮ່ວມເວທີປາໄສສາກົນ,ກອງປະຊຸມຂະແໜງການແລະກິດຈະກຳອື່ນໆ,ຊຸກຍູ້ວິສະຫາກິດການຄ້າການບໍລິການຂອງແຂວງຢຸນນານເຂົ້າຮ່ວມການຮ່ວມມືເສດຖະກິດສາກົນຢ່າງຕັ້ງໜ້າ,ຍົກລະດັບການພັດທະນາການຄ້າການບໍລິການຂອງແຂວງຢຸນນານໃຫ້ນັບມື້ນັບສູງຂຶ້ນ.