ເດືອນ ເມສາ,ກຸ່ມຄົນຕ່າງປະເທດສະຫຼອງປີໃຫມ່ທີ່ແຂວງຢຸນນານ

ໃນເດືອນ ເມສາ,ທີ່ແຂວງຢຸນນານ,ທ່ານສາມາດຮູ້ສຶກໄດ້ເຖິງບັນຍາກາດສະເຫລີມສະຫລອງງານບຸນຫົດນ້ຳໃນກິ່ງແຂວງສິບສອງພັນນາ,ກິ່ງແຂວງເດີຫົງ,ທັງຍັງສາມາດສະເຫລີມສະຫລອງງານບຸນຫົດນ້ຳ　ຮ່ວມກັນກັບກຸ່ມຄົນຕ່າງປະເທດໃນຄຸນໜິງ.ກິດຈະກຳສະເຫລີມສະຫລອງປີໃໝ່ລາວ,ປີໃໝ່ກຳປູເຈຍ,ປີໃໝ່ມຽນມາ,ປີໃໝ່ໄທກໍ່ຈະຈັດຂຶ້ນໃນເດືອນນີ້.

ວັນທີ 6 ເມສາ,　ກິດຈະກໍາສະເຫລີມສະຫລອງປີໃຫມ່ລາວໄດ້ຈັດຂຶ້ນທີ່ສວນ　Expo　ວັດທະນະທຳປະດິດສ້າງຢຸນນານ•ຈີ່ຢູນສິງໜ້າວນະຄອນຄຸນໜິງ.ຊາວຫນຸ່ມຄົນລາວຍິງຊາຍຮ່ວມກັນຟ້ອນລຳ.ນອກຈາກການຟ້ອນແລ້ວ,ນັກສຶກສາລາວທີ່ຮຽນຢູ່ຄຸນໜິງຍັງເຮັດອາຫານລາວມາແບ່ງປັນອີກດ້ວຍ.ແນ່ນອນວ່າ,ໃນງານຍັງມີການດຳເນີນພິທີອັນສຳຄັນໃນປີໃໝ່ລາວ--ພິທີບາສີປີໃໝ່ລາວ.

ວັນທີ 7 ເມສາ,ກິດຈະກຳສະຫຼອງປີໃຫມ່ກໍາປູເຈຍໄດ້ຈັດຂຶ້ນຢູ່ທີ່ມະຫາວິທະຍາໄລວິທະຍາສາດແລະເຕັກໂນໂລຍີຄຸນໝິງ.ອີງຕາມປະເພນີດັ້ງເດີມຂອງກຳປູເຈຍ,ນັກສຶກສາກໍາປູເຈຍທີ່ຮຽນຢູ່ຈີນຈະສະຫຼອງປີໃໝ່ໂດຍການຮັບນາງຟ້າມາໂລກມະນຸດ,ເຕັ້ນລໍານາງຟ້າ,ຫລິ້ນເກມດັ້ງເດີມຂອງກຳປູເຈຍແລະອື່ນໆ,ໃນກິດຈະກຳ,ນັກສຶກສາຈີນແລະນັກສຶກສາຕ່າງປະເທດຈຳນວນຫລວງຫຼາຍໄດ້ເຂົ້າຮ່ວມສະເຫລີມສະຫລອງປີໃໝ່ກຳປູເຈຍ.