ອາຫານວ່າງທີ່ມີລັກສະນະພິເສດຂອງແຂວງຢຸນນານ--ຢາງຢີທອດ

ມາຢຸນນານ,ບໍ່ວ່າໃນຖະຫນົນຫລືໃນຮ່ອມ,ທ່ານສາມາດເຫັນຢາງຢີທອດໄດ້ຢູ່ທຸກບ່ອນ.ແລ້ວຢາງຢີທອດແມ່ນຫຍັງ? ຢາງຢີທອດແມ່ນມັນຝະລັ່ງທອດ.

ມັນຝະລັ່ງເປັນພືດປະເພດໜຶ່ງທີ່ພົບເຫັນທົ່ວທຸກບ່ອນໃນຢຸນນານ,ແລະວິທີເຮັດຢາງຢີທອດແມ່ນງ່າຍດາຍ,ລົດຊາດສາມາດປະຍຸກໄດ້,ເປັນອາຫານວ່າງທີ່ມີລັກສະນະພິເສດທີ່ສຸດຢ່າງໜຶ່ງໃນຢຸນນານ.

ມື້ນີ້ພວກເຮົາຈະມາສອນທຸກທ່ານເຮັດຢາງຢີທອດ,ມາບອກເຄັດລັດການປະຍຸກຢາງຢີທອດໃຫ້ມີຫລາຍລົດຊາດໃຫ້ແກ່ທຸກທ່ານ.

ການເຮັດຢາງຢີທອດ,ສິ່ງທໍາອິດ,ທ່ານຈໍາເປັນຕ້ອງປອກເປືອກມັນຝະລັ່ງ ແລະ ຕັດມັນຝະລັ່ງເປັນກ້ອນ ໃຊ້ນ້ຳແຊ່.ແລ້ວເອົາມັນຝະລັ່ງລົງທອດໃນໝໍ້ໃຫ້ສຸກ,ແລ້ວຕັກເອົາມັນຝະລັ່ງທີ່ທອດສຸກໃສ່ຖ້ວຍ,ແລະພ້ອມກັນນັ້ນໃຊ້ເຄື່ອງປຸງລົດປະເພດຕ່າງໆປຸງ,ເຊັ່ນຢາງຢູທອດລົດຊາດຫມາກແຄ່ນຈະປຸງຜົງໝາກເຜັດ,ນຳ້ມັນຈຽວໝາກເຜັດ, ເມັດຖົ່ວດິນ,ເກືອ,ນ້ຳຊີອິ້ວ,ນຳ້ມັນໝາກງາ,ຜັກບົ່ວ,ຜັກຫອມປ້ອມ,ສ່ວນຢາງຢີທອດລົດໝາກເຫຼັ່ນ,ເຄື່ອງປຸງລົດມີແຈ່ວໝາກເຫຼັ່ນ,ນຳ້ມັນໝາກງາ,ເມັດຖົ່ວດິນ,ເກືອ,ຜັກບົ່ວ,ຜັກຫອມປ້ອມ.ຄົນຢ່າງສະຫມຳ່ສະເໝີ.ຢາງຢີທອດກໍ່ເຮັດສຳເລັດແລ້ວ.

ເຊັ່ນດຽວກັນ,ຖ້າທ່ານຢາກກິນຢາງຢີທອດລົດຫຍັງ,ກໍ່ໃຊ້ເຄື່ອງປຸງລົດຊາດນັ້ນ.ເຊິ່ງແບບນີ້,ຢາງຢີທອດທີ່ມີລົດຊາດແຕກຕ່າງກັນກໍສຳເລັດແລ້ວ.

ທ່ານເຮັດເປັນແລ້ວບໍ? ໃນມື້ນີ້, ທ່ານສາມາດເຮັດຢາງຢີທອດລົດຊາດທີ່ທ່ານຢາກກິນໄດ້ແລ້ວ.