ກິດຈະກຳໄທປີ 2019 ໄດ້ໄຂຂຶ້ນຢູ່ນະຄອນຄຸນໝິງແຂວງຢຸນນານຈີນໃນວັນທີ 27 ເມສານີ້, ໂດຍມີຮ້ານວາງສະແດງທີ່ມີເອກະລັກພິເສດ 71 ຮ້ານຈາກວິສາຫະກິດ 62 ແຫ່ງເຊິ່ງລ້ວນແຕ່ໄດ້ສ້າງຂຶ້ນຕາມຮູບຊົງເຮືອນ ໄທ,ເຮັດໃຫ້ປະຊາຊົນນະຄອນຄຸນໝິງທີ່ໄປຊົມງານຄັ້ງນີ້ເໝືອນດັ່ງໄດ້ໄປທ່ຽວປະເທດໄທ.ຮ້ານອາຫານຂອງໄທ 4 ແຫ່ງກໍຄືບໍລິສັດເບຍສິງຂອງໄທແລະບໍລິສັດເຄື່ອງດື່ມຍີ່ຫໍ້ອື່ນໆຂອງໄທ,ໄດ້ຮັບຄວາມນິຍົມຊົມຊອບຫຼາຍຈາກປະຊາຊົນນະຄອນຄຸນໝິງ.
ຂ່າວແຈ້ງວ່າ:ກິດຈະກຳໄທແມ່ນສະຖານກົງສຸນໃຫຍ່ໄທປະຈຳນະຄອນຄຸນໝິງເປັນເຈົ້າພາບຈັດຂຶ້ນ,ນັບແຕ່ປີ 2009 ເປັນຕົ້ນມາໄດ້ຈັດຂຶ້ນ 11 ຄັ້ງລຽນຕິດແລ້ວ,ໂດຍມີຈຸດປະສົງເພື່ອຊຸກຍູ້ການແລກປ່ຽນແລະການຮ່ວມມືລະຫວ່າງໄທກັບແຂວງຢຸນນານຂອງຈີນໃນຂົງເຂດຕ່າງໆເຊັ່ນ: ເສດຖະກິດການຄ້າ,ການທ່ອງທ່ຽວແລະວັດທະນະທຳເປັນຕົ້ນ,ຜ່ານຄວາມພະຍາຍາມເປັນເວລາ 10 ກວ່າປີຢ່າງບໍ່ລົດລະ,ກິດຈະກຳດັ່ງກ່າວໄດ້ກາຍເປັນ “ວັນບຸນແຫ່ງຄວາມມ່ວນຊື່ນແບບໄທ”ປະຈຳປີຂອງປະຊາຊົນຢູ່ນະຄອນຄຸນໝິງ.