ວັນທີ 6 ມັງກອນນີ້, ພະລາຊະວັງແຫ່ງຊາດມາເລເຊຍອອກແຈ້ງການ ໂດຍປະກາດວ່າ: ລາຊາທິບໍດີ ໂມຮາມັດ ລາຊະການທີ 5 ຄົນປັດຈຸບັນໄດ້ຂໍລາອອກຈາກຕຳແໜ່ງໃນຕອນຫົວຄ່ຳມື້ດຽວກັນ ແລະຈະມີຜົນບັງຄັບໃຊ້ໃນທັນທີ. ສື່ມວນຊົນທ້ອງຖິ່ນລາຍງານວ່າ, ນີ້ແມ່ນລາຊາທິບໍດີຜູ້ທຳອິດທີ່ຂໍລາອອກຈາກຕຳແໜ່ງພາຍໃນອາຍຸການນັບແຕ່ມາເລເຊຍເປັນເອກະລາດເປັນຕົ້ນມາ.
ມາເລເຊຍປະຕິບັດລະບອບສະຫະພັນລາຊາທິປະໄຕຢູ່ພາຍໃຕ້ລັດຖະທຳມະນູນ, ລາຊາທິບໍດີເປັນປະມຸກລັດ, ທັງເປັນຜູ້ນຳສາສະໜາອິສລາມແລະຜູ້ບັນຊາການສູງສຸດຂອງກອງທັບ ໂດຍກຳເນີດຈາກເຈົ້າຊຸນຕານຫຼືເຈົ້າຄອງລັດຂອງ 9 ລັດມາເລເຊຍໂດຍຜ່ານການເລືອກຕັ້ງໃນສະພາຜູ້ປົກຄອງ, ມີອາຍຸການດຳລົງຕຳແໜ່ງ 5 ປີ. ລາຊາທິບໍດີ ໂມຮາມັດ ລາຊະການທີ 5 ປີນີ້ອາຍຸ 49 ປີ, ເປັນປະມຸກລັດຊຸດທີ 15 ຂອງມາເລເຊຍນັບແຕ່ວັນທີ 13 ທັນວາປີ 2016 ເປັນຕົ້ນມາ.