ວັນທີ 15 ມັງກອນນີ້, ເຈົ້າໜ້າທີ່ອົງການພາສີຈີນແຈ້ງວ່າ, ຈີນໄດ້ບັນລຸການຮັບຮອງຄຸນວຸດທິ AEO ດ່ານພາສີກັບ 36 ປະເທດແລະເຂດແຄວ້ນ ເຊິ່ງມູນຄ່າການສົ່ງອອກສູ່ປະເທດແລະເຂດແຄວ້ນເຫຼົ່ານີ້ກວມ 45% ຂອງຍອດມູນຄ່າສົ່ງອອກຂອງຈີນ.
ລະບຽບການ AEO ແມ່ນອົງການພາສີໂລກເປັນຜູ້ຈັດຕັ້ງຂຶ້ນ ແລະ ສົ່ງເສີມ ເຊິ່ງມີຈຸດປະສົງຮັບຮອງຄຸນວຸດທິຕໍ່ວິສາຫະກິດທີ່ປະຕິບັດຕາມກົດໝາຍເປັນຢ່າງດີ, ມີສະພາບສິນເຊື່ອທີ່ດີ ແລະ ມີລະດັບຄວາມປອດໄພສູງ ເພື່ອອຳນວຍຄວາມສະດວກໃຫ້ແກ່ວິສາຫະກິດໃນການແຈ້ງດ່ານ. ອົງການພາສີລະຫວ່າງປະເທດຕ່າງໆສາມາດຜ່ານຈາກການຮັບຮອງຄຸນວຸດທິ AEO ເຊິ່ງກັນແລະກັນ ເພື່ອອຳນວຍຄວາມສະດວກໃຫ້ແກ່ວິສາຫະກິດທີ່ມີຄຸນວຸດທິຂອງກັນແລະກັນ. ຂ່າວແຈ້ງວ່າ, ອັດຕາການກວດກາສິນຄ້າຕໍ່ການສົ່ງອອກສູ່ປະເທດແລະເຂດແຄວ້ນທີ່ມີຄຸນວຸດທິດັ່ງກ່າວສາມາດຫຼຸດລົງ 60% ຫາ 80% ແລະ ທັງຫຼຸດເວລາ ແລະ ຕົ້ນທຶນໃນການແຈ້ງດ່ານໃຫ້ລົງ 50% ຂຶ້ນໄປ.