ນະຄອນຫຼວງປັກກິ່ງໄດ້ເຜີຍແຜ່ “ແຜນການພັດທະນາຂະແໜງການອິນເຕີເນັດລະບົບ 5G ຂອງນະຄອນຫຼວງປັກກິ່ງ(ປີ2019-2022)” ຢ່າງເປັນທາງການເມື່ອບໍ່ດົນມານີ້. ແຜນການດັ່ງກ່າວກຳນົດຢ່າງຈະແຈ້ງວ່າ, ຮອດປີ 2022, ບໍລິສັດໂທລະຄົມປັກກິ່ງຈະລົງທຶນ 30 ຕື້ຢວນເພື່ອສ້າງອິນເຕີເນັດລະບົບ 5G, ໂດຍໄດ້ກຳນົດການປົກຫຸ້ມໃນເຂດສຳຄັນເຊັ່ນ: ເຂດໃຈກາງເມືອງ, ຮອງໃຈກາງເມືອງ, ເຂດສຳຄັນແລະສະຖານທີ່ສຳຄັນຂອງນະຄອນຫຼວງປັກກິ່ງ.
ຮອດປີ 2022, ພາກສ່ວນຄົ້ນຄວ້າວິທະຍາສາດແລະວິສາຫະກິດປັກກິ່ງຄວນມີລິຂະສິດພື້ນຖານກ່ຽວກັບມາດຕະຖານສາກົນ 5G ໃຫ້ກວມ 5% ຂຶ້ນໄປ; ຂະແໜງການ 5G ຂອງປັກກິ່ງຈະບັນລຸລາຍຮັບປະມານ 200 ຕື້ຢວນ, ຊຸກຍູ້ໃຫ້ຂະແໜງການບໍລິການຂໍ້ມູນຂ່າວສານແລະຂະແໜງການໃໝ່ມີລາຍຮັບຫຼາຍກວ່າ 1000 ຕື້ຢວນ.