ກອງປະຊຸມປຶກສາຫາລືການເມືອງແຂວງຢຸນນານຄັ້ງທີ 2 ສະໄໝທີ 12 ໄດ້ປິດລົງທີ່ນະຄອນຄຸນໝິງ

ໃນຕອນເຊົ້າຂອງວັນທີ 30 ເດືອນມັງກອນ,ກອງປະຊຸມປຶກສາຫາລືການເມືອງແຂວງຢຸນນານຄັ້ງທີ 2 ສະໄໝທີ 12 ໄດ້ສຳເລັດລະບຽບວາລະປະຊຸມຕ່າງໆ ແລະປິດລົງທີ່ນະຄອນຄຸນໝິງຢ່າງຈົບງາມ.ກອງປະຊຸມຄັ້ງນີ້ໄດ້ສະເໜີວ່າ ຈະສາມັກຄີກັນຢ່າງແໜ້ນແຟ້ນກັບອ້ອມຂ້າງສູນກາງພັກກອມມູນິດຈີນໂດຍມີສະຫາຍ ສີຈິ້ນຜິງ ເປັນໃຈກາງ,ໂດຍມີແນວຄິດສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ຂອງ ສະຫາຍ ສີຈິ້ນຜິງເປັນທິດຊີ້ນຳ,ພາຍໃຕ້ການນຳພາອັນແໜ້ນແກ່ນຂອງຄະນະພັກກອມມູນິດຈີນແຂວງຢຸນນານ,ພ້ອມຈິດພ້ອມໃຈກັນ ສ້າງສາຄວາມກ້າວໜ້າ ແລະມີຈິດໃຈຮັບຜິດຊອບຕໍ່ພາລະກິດຂອງຕົນ,ສຸມກຳລັງລົງໃສ່ໃນດ້ານການສະເໜີຄວາມຄິດຄວາມເຫັນ ການປຶກສາຫາລືການເມືອງແລະສາມັກຄີຄວາມເຫັນເອກະພາບກັນ,ປະຕິບັດລະບຽບການແລະການຈັດແຈງຂອງສູນກາງພັກກອມມູນິດຈີນແລະຄະນະພັກແຂວງຢຸນນານໃຫ້ເປັນຈິງຢ່າງຮອບດ້ານ ຊຸກຍູ້ສົ່ງເສີມທົ່ວແຂວງຢຸນນານສຳເລັດໜ້າທີ່ແລະເປົ້າໝາຍຂອງການພັດທະນາເສດຖະກິດສັງຄົມຢ່າງສຳເລັດຜົນ ແລະຕ້ອນຮັບການສະຖາປະນາປະເທດຈີນໃໝ່ແລະສະພາປຶກສາຫາລືການເມືອງປະຊາຊົນຄົບຮອບ 70 ປີດ້ວຍຜົນສຳເລັດອັນຈົບງາມ.