ວັນທີ 30 ມັງກອນນີ້, ກອງປະຊຸມ 5 ປະເທດທີ່ມີອາວຸດນິວເຄຼຍທີີ່ຖືກຕ້ອງຕາມກົດໝາຍຄື: ຈີນ, ອາເມຣິກາ, ຣັດເຊຍ, ອັງກິດແລະຝຣັ່ງໄດ້ຈັດຂຶ້ນຢູ່ນະຄອນຫຼວງປັກກິ່ງ ສປ ຈີນຢ່າງເປັນທາງການ. ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ປັກກິ່ງໃນມື້ດັ່ງກ່າວ, ທ່ານເກິງສວງ ໂຄສົກກະຊວງການຕ່າງປະເທດຈີນກ່າວວ່າ, ພາຍໃຕ້ສະຖານະການໃນປັດຈຸບັນ, 5 ປະເທດທີ່ມີອາວຸດນິວເຄຼຍໄດ້ແລກປ່ຽນຄວາມຄິດເຫັນຢ່າງກົງໄປກົງມາ, ລົງເລິກຄົ້ນຄວ້າປຶກສາຫາລືບັນຫາຮີບດ່ວນໃນຂົງເຂດຄວາມໝັ້ນຄົງທາງຍຸດທະສາດ, ກອງປະຊຸມຄັ້ງນີ້ເປັນການສົ່ງສັນຍານດ້ານຕັ້ງໜ້າແລະສຳຄັນຕໍ່ພາຍນອກ.
ກອງປະຊຸມຄັ້ງນີ້ໄດ້ເນັ້ນຫົວຂໍ້ “ເພີ່ມທະວີການປະສານງານລະຫວ່າງ 5 ປະເທດທີ່ມີອາວຸດນິວເຄຼຍ, ຮັກສາກົນໄກ ‘ສົນທິສັນຍາບໍ່ແຜ່ຜາຍອາວຸດນິວເຄຼຍ’”, 5 ປະເທດດັ່ງກ່າວຈະແລກປ່ຽນຄວາມເຫັນກ່ຽວກັບນະໂຍບາຍແລະຍຸດທະສາດນິວເຄຼຍຢ່າງເລິກເຊິ່ງ, ປຶກສາຫາລືຫົວຂໍ້ການຫຼຸດຈຳນວນອາວຸດນິວເຄຼຍ, ບໍ່ແຜ່ຜາຍອາວຸດນິວເຄຼຍ, ການນຳໃຊ້ພະລັງານນິວເຄຼຍໂດຍສັນຕິແລະຫົວຂໍ້ອື່ນໆ. ນີ້ແມ່ນ 5 ປະເທດທີ່ມີອາວຸດນິວເຄຼຍຈັດກອງປະຊຸມທາງການຄັ້ງທຳອິດໃນຮອບ 2 ປີຜ່ານມາ.