ວັນທີ 14 ກຸມພານີ້, ອົງການພາສີແຫ່ງຊາດຈີນໄດ້ເປີດເຜີຍວ່າ: ໃນເດືອນມັງກອນນີ້, ມູນຄ່າສົ່ງອອກນຳເຂົ້າສິນຄ້າທີ່ຈັບຕ້ອງໄດ້ຂອງຈີນບັນລຸ 2730 ຕື້ຢວນ, ເພີ່ມຂຶ້ນ 8,7% ເມື່ອທຽບໃສ່ໄລຍະດຽວກັນຂອງປີ 2018. ໃນນັ້ນ, ມູນຄ່າສົ່ງອອກບັນລຸ 1500 ຕື້ຢວນ, ເພີ່ມຂຶ້ນ 13,9%; ມູນຄ່ານຳເຂົ້າບັນລຸ 1230 ຕື້ຢວນ, ເພີ່ມຂຶ້ນ 2,9%; ການເກີນດຸນການຄ້າບັນລຸ 271,16 ຕື້ຢວນ, ເພີ່ມຂຶ້ນ 1,2 ເທົ່າ.
ຂໍ້ມູນຍັງຊີ້ໃຫ້ເຫັນວ່າ: ມູນຄ່າສົ່ງອອກນຳເຂົ້າຂອງຈີນສູ່ຕະຫຼາດຕົ້ນຕໍ ເຊັ່ນ: ສະຫະພາບເອີຣົບ, ອາຊຽນ, ຍີ່ປຸ່ນ ແລະປະເທດອື່ນໆລ້ວນແຕ່ເພີ່ມຂຶ້ນ, ຈັງຫວະການເຕີບໂຕຂອງການສົ່ງອອກນຳເຂົ້າສູ່ບັນດາປະເທດ “ໜຶ່ງແລວໜຶ່ງເສັ້ນທາງ” ສູງກວ່າໝູ່; ມູນຄ່າສົ່ງອອກສູ່ອາເມຣິກາບັນລຸ 252,11 ຕື້ຢວນ, ເພີ່ມຂຶ້ນ 1,9%; ມູນຄ່ານຳເຂົ້າຈາກອາເມຣິກາບັນລຸ 63,71 ຕື້ຢວນ, ຫຼຸດລົງ 38,6%; ການເກີນດຸນການຄ້າກັບອາເມຣິກາບັນລຸ 188,4 ຕື້ຢວນ, ເພີ່ມຂຶ້ນ 31,2%.