ເຈົ້າໜ້າທີ່ພະແນກວັດທະນະທຳແລະທ່ອງທ່ຽວເຂດປົກຄອງຕົນເອງອຸຍເກີຊິ່ນຈ່ຽງຈີນເປີດເຜີຍວ່າ, ເຂດຊິ່ນຈ່ຽງຈະເນັ້ນໃສ່ສ້າງ 100 ຍີ່ຫໍ້ດັງດ້ານການທ່ອງທ່ຽວໃນປີ 2019.
ຂ່າວແຈ້ງວ່າ, ປີນີ້, ເຂດຊິ່ນຈ່ຽງຈະອອກແຮງປະຕິບັດຍຸດທະສາດພັດທະນາເຂດຊິ່ນຈ່ຽງດ້ວຍຂະແໜງການທ່ອງທ່ຽວ, ອອກແຮງສົ່ງເສີມໂຄງການຍີ່ຫໍ້ທ່ອງທ່ຽວທີ່ມີຊື່ສຽງ, ຊຸກຍູ້ການສ້າງແຫຼ່ງທ່ອງທ່ຽວທີ່ດີເດັ່ນ ໂດຍປິ່ນອ້ອມສະພາບນິເວດທຳມະຊາດແລະວັດທະນະທຳທີ່ມີເອກະລັກພິເສດ, ເນັ້ນໃສ່ “ຂະໜາດໃຫຍ່” ແລະ “ຄວາມສວຍງາມ”, ສຸມໃສ່ສ້າງຍີ່ຫໍ້ພິເສດ “ເຂດຊິ່ນຈ່ຽງເປັນແຫຼ່ງທ່ອງທ່ຽວທີ່ດີ”, ໂຄສະນາຍີ່ຫໍ້ແລະສະຖານທີ່ທ່ອງທ່ຽວທີ່ມີຊື່ສຽງຈຳນວນໜຶ່ງ ທີ່ກາຍເປັນສັນຍະລັກດ້ານການທ່ອງທ່ຽວຂອງເຂດຊິ່ນຈ່ຽງ. ໂດຍຈະເນັ້ນໃສ່ສ້າງ 100 ຍີ່ຫໍ້ດັງດ້ານການທ່ອງທ່ຽວ ເຊິ່ງລວມທັງແຫຼ່ງທ່ອງທ່ຽວດ້ານປະຫວັດສາດແລະວັດທະນະທຳ, ແຫຼ່ງທ່ອງທ່ຽວລະດູໜາວ, ແຫຼ່ງທ່ອງທ່ຽວຫຼິ້ນນ້ຳກ້ອນແລະຫິມະ, ແຫຼ່ງທ່ອງທ່ຽວຮີດຄອງປະເພນີແລະວັດທະນະທຳ, ແຫຼ່ງທ່ອງທ່ຽວຊົນນະບົດ, ແຫຼ່ງທ່ອງທ່ຽວປະຕິວັດສີແດງ, ແຫຼ່ງທ່ອງທ່ຽວນິເວດ ເຫຼົ່ານີ້ເປັນຕົ້ນ.