ຊຸກຍູ້ການກໍ່ສ້າງສະມາຄົມຮ່ວມມືລະຫວ່າງຕົວເມືອງທ່ອງທ່ຽວຂອງປະເທດແມ່ນໍ້າລ້ານຊ້າງ-ແມ່ນໍ້າຂອງ

ໃນລະຫວ່າງວັນທີ 19 ຫາ 21 ກຸມພາ,ການຄົ້ນຄວ້າວ່າດ້ວຍການພັດທະນາການທ່ອງທ່ຽວຢ່າງຍືນຍາວແລະການສ້າງຄວາມສາມາດໃນການອະນຸລັກຄວາມຫຼາກຫຼາຍຂອງສິ່ງທີ່ມີຊີວິດໃນປະເທດເຂດອະນຸພາກພື້ນແມ່ນໍ້າຂອງໄດ້ຈັດຂຶ້ນທີ່ປະເທດລາວ.ເຊິ່ງມີຜູ້ແທນຈຳນວນ 30 ກວ່າຄົນທີ່ມາຈາກປະເທດຈີນ ກຳປູເຈຍ ລາວ ມຽນມາ ແລະຫວຽດນາມໄດ້ເຂົ້າຮ່ວມການຄົ້ນຄວ້າໃນຄັ້ງນີ້.ພາຍໃນໄລຍະເວລາ 3 ມື້ຂອງການຄົ້ນຄວ້າ, ຜູ້ຊ່ຽວຊານສອງຄົນທີ່ມາຈາກປະເທດອາຟຣິກາໃຕ້ແລະປະເທດເຢຍລະມັນ ເຊິ່ງໄດ້ຮັບເລືອກມາໂດຍສະເພາະຈາກອົງການການທ່ອງທ່ຽວໂລກແຫ່ງສະຫະປະຊາຊາດ (UNWTO), ຈະນຳພາສະມາຊິກເຂົ້າຮ່ວມການຄົ້ນຄວ້າທດ້ານການທ່ອງທ່ຽວ ການອະນຸລັກສິ່ງແວດລ້ອມແລະດ້ານອື່ນໆ ເຊິ່ງມີທັງຫມົດ7 ດ້ານທີ່ນະຄອນປາກເຊປະເທດລາວ.ພ້ອມດຽວກັນນັ້ນ, ພາຍໃຕ້ການຈັດແຈງຂອງແຂວງຈຳປາສັກ, ສະມາຊິກຂອງການຄົ້ນຄວ້າຈະເດີນທາງໄປນໍ້າຕົກຕາດຄອນພະເພງເຊິ່ງເປັນນຳ້ຕົກຕາດທີ່ມີຊື່ສຽງໃນແມ່ນໍ້າຂອງ ,ພ້ອມທັງດຳເນີນການແລກປ່ຽນກັບຜູ້ຮັບຜິດຊອບທຸລະກິດທີ່ກ່ຽວຂ້ອງ.