ປະເທດກຳປູເຈຍຈະເປັນປະເທດທຳອິດໃນອາຊຽນທີ່ນຳໃຊ້ອິນເຕີເນັດ 5G

ເວັບໄຊທາງການຂອງກະຊວງໄປສະນີແລະໂທລະຄົມນາຄົມແຫ່ງປະເທດກຳປູເຈຍໄດ້ປະກາດໃນວັນທີ 2 ວ່າ: ລັດຖະບານປະເທດກຳປູເຈຍມີແຜນການຈະຕິດຕັ້ງ 5G Wi-Fi ພາຍໃນອັງກໍວັດປະເທດກໍາປູເຈຍ, ເພື່ອອໍານວຍການບໍລິການອິນເຕີເນັດຄວາມໄວສູງໃຫ້ແກ່ນັກທ່ອງທ່ຽວ.ແຕ່ການຕິດຕັ້ງ 5G Wi-Fi ທີ່ອັງກໍວັດແມ່ນຕ້ອງການເວລາຢ່າງໜ້ອຍສຸດ 1 ປີ.

ກະຊວງໄປສະນີແລະໂທລະຄົມນາຄົມແຫ່ງປະເທດກຳປູເຈຍໄດ້ໃຫ້ຄວາມເຫັນວ່າ, ໃນປັດຈຸບັນ ປະເທດຈີນ, ເກົາຫຼີໃຕ້, ລັດເຊຍແລະປະເທດອື່ນໆກະກຽມຈະເລີ່ມນຳໃຊ້ເຕັກນິກໂທລະຄົມມະນາຄົມລຸ້ນທີ່ຫ້າ(5G)ໃນໝໍ່ໆນີ້, ສ່ວນປະເທດກຳປູເຈຍຈະເປັນປະເທດທຳອິດພາຍໃນປະເທດອາຊຽນທີ່ນຳໃຊ້ເຕັກນິກ 5G.