ວັນທີ 10 ມີນານີ້, ໃນເວລາປຶກສາຫາລືກັບຄະນະຜູ້ແທນແຂວງຟູຈ້ຽນ, ທ່ານສີຈິ້ນຜິງກ່າວເນັ້ນວ່າ, ຕ້ອງສ້າງສະພາບແວດລ້ອມທີ່ມີຜົນດີຕໍ່ການປະດິດສ້າງ ໃໝ່, ການສ້າງທຸລະກິດໃໝ່ ແລະການສ້າງສັນ, ເພື່ອຂຸດຄົ້ນແຮງຊຸກດັນການປະດິດສ້າງໃໝ່, ການສ້າງທຸລະກິດໃໝ່ ແລະການສ້າງສັນຂອງທົ່ວສັງຄົມໃຫ້ຫຼາຍເທົ່າທີ່ຈະຫຼາຍໄດ້, ເພີ່ມທະວີຖານະບົດບາດ ແລະ ກຳລັງແຂ່ງຂັນຂອງຈີນໃນການປ່ຽນແປງໃໝ່ຂອງໂລກຢ່າງບໍ່ຢຸດຢັ້ງ. ທ່ານສີຈິ້ນຜິງໄດ້ເນັ້ນເປັນພິເສດວ່າ, ຕ້ອງສ້າງເງື່ອນໄຂເອື້ອອຳນວຍໃຫ້ແກ່ການພັດທະນາວິສາຫະກິດຂະໜາດກາງ ແລະ ນ້ອຍ, ກໍຄືການພັດທະນາຂອງຊາວໜຸ່ມ.
ແຂວງຟູຈ້ຽນເປັນໜຶ່ງໃນຫຼາຍແຂວງຂອງຈີນທີ່ເປີດປະຕູສູ່ພາຍນອກກ່ອນໝູ່, ກໍເປັນແຂວງໃຫຍ່ດ້ານເສດຖະກິດເອກະຊົນຂອງຈີນ. ມື້ດຽວກັນ, ທ່ານສີຈິ້ນຜິງກ່າວວ່າ, ຕ້ອງພະຍາຍາມແກ້ໄຂບັນຫາອັນພົ້ນເດັ່ນດ້ານລະບົບ ແລະກົນໄກທີ່ກະທົບເຖິງການປະດິດສ້າງ ໃໝ່, ການສ້າງທຸລະກິດໃໝ່ ແລະການສ້າງສັນ, ຈັດຕັ້ງປະຕິບັດນະໂຍບາຍ ແລະ ມາດຕະການຕ່າງໆທີ່ສະໜັບສະໜູນການພັດທະນາເສດຖະກິດເອກະຊົນ, ສ້າງສະພາບແວດລ້ອມທີ່ຍຸດຕິທຳ, ໂປ່ງໃສ ແລະ ຄຸ້ມຄອງຕາມກົດໝາຍໃຫ້ແກ່ວິສາຫະກິດທີ່ເປັນກຳມະສິດປະເພດຕ່າງໆ.