ຕາມຂ່າວສານຈີນ: ວັນທີ 12 ມີນານີ້, ເວັບໄຊອົງການໄປສະນີແຫ່ງຊາດຈີນເປີດເຜີຍວ່າ, ສະພາບການເຮັດທຸລະກິດດ້ານໄປສະນີເດືອນກຸມພາ 2019 ສະແດງໃຫ້ເຫັນວ່າ, ນັບແຕ່ເດືອນມັງກອນຫາເດືອນກຸມພາ, ການບໍລິການສົ່ງເຄື່ອງດ່ວນໃນທົ່ວປະເທດໄດ້ບັນລຸ 7,28 ຕື້ຫໍ່, ເພີ່ມຂຶ້ນຫລາຍກວ່າໄລຍະດຽວດັນຂອງປີກາຍ 21,9%; ລາຍໄດ້ໃນຂະແໜງການໄປສະນີ(ບໍ່ລວມທັງລາຍໄດ້ຂອງທະນາຄານໄປສະນີ) ແມ່ນບັນລຸເຖິງ 137,49 ຕື້ຢວນ, ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 19,5%.
ນັບແຕ່ເດືອນມັງກອນຫາເດືອນກຸມພາ, ການບໍລິການສົ່ງດ່ວນພາຍໃນເມືອງກວມອັດຕາສ່ວນ 20% ຂອງການສົ່ງດ່ວນທັງໝົດ, ສົ່ງໄປຕ່າງຖິ່ນກວມ 77,5%, ແລະສົ່ງໄປຕ່າງປະເທດຫລືເຂດຮົງກົງ,ມາກາວ,ໄຕ້ຫວັນກວມ 2,5%. ສ່ວນລາຍໄດ້ຕ່າງກໍ່ໄດ້ກວມ 11,1%, 51,5%, ແລະ10,5% ຕາມລຳດັບ.