ວັນທີ 18 ມີນານີ້, ພາຍຫລັງພົບປະກັບທ່ານນາງ ເຟເດຣິກາ ໂມເກຣິນີ ຜູ້ຕາງຫນ້າຂັ້ນສູງນະໂຍບາຍຄວາມໝັ້ນຄົງແລະວຽກງານການຕ່າງປະເທດຂອງສະຫະພາບເອີລົບແລ້ວ, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໃຫ້ສຳພາດຕໍ່ນັກຂ່າວວ່າ, ທ່ານປະທານສີຈີ້ນຜິງຈະເດີນທາງຢ້ຽມຢາມຕ່າງປະເທດຄັ້ງທຳອິດໃນປີນີ້ກໍ່ໄດ້ເລືອກເອົາເອີລົບ,ເຊິ່ງໄດ້ສະແດງໃຫ້ເຫັນວ່າຈີນໄດ້ໃຫ້ຄວາມສຳຄັນຢ່າງສູງຕໍ່ເອີລົບ.
ທ່ານວາງຢີ້ຊີ້ອອກວ່າ, ການພົວພັນກັບຕ່າງປະເທດຂອງປະມຸກລັດແມ່ນມີບົດບາດສຳຄັນໃນການນຳພາທາງດ້ານຍຸດທະສາດທີ່ມີຕໍ່ສາຍພົວພັນຈີນ-ເອີລົບ. ການຢ້ຽມຢາມເອີລົບຂອງທ່ານປະທານສີຈີ້ນຜິງຄັ້ງນີ້ເປັນການສົ່ງສັນຍານອັນຊັດເຈນແລະຈະແຈ້ງ, ເຖິງວ່າສະຖານະການສາກົນຈະຜັນແປໄປໃນທິດທາງໃດກໍ່ຕາມ, ຈີນກໍ່ຖືສະຫະພາບເອີລົບເປັນຄູ່ຮ່ວມຍຸດທະສາດທີ່ສຳຄັນ, ແລະຖືສາຍພົວພັນຈີນ-ເອີລົບຢູ່ໃນຖານະສຳຄັນແລະເປັນບູລິມະສິດ. ພວກຂ້າພະເຈົ້າຫວັງວ່າ, ລະດູໃບໄມ້ປົ່ງຂອງປີ 2019 ຈະກາຍເປັນ “ລະດູອົບອຸ່ນ”ຂອງສາຍພົວພັນຈີນ-ເອີລົບ, ການຮ່ວມມືຈີນ-ເອີລົບຈະ“ແຜ່ຄື້ນແຫ່ງຄວາມອົບອຸ່ນ”ໃຫ້ແກ່ໂລກໃນປີ 2019.
ທ່ານວາງຢີ້ກ່າວວ່າ, ຫນຶ່ງ, ການຢ້ຽມຢາມຂອງທ່ານປະທານສີຈີ້ນຜິງຄັ້ງນີ້ແມ່ນເດີນທາງໄປແຕ່ສາມປະເທດເອີລົບ ແຕ່ກໍ່ເປັນການມຸ້ງຫນ້າສູ່ທະວີບເອີລົບ, ເຊິ່ງຈະເປັນການສະໜອງພະລັງແຮງໃໝ່ໃນການຊຸກຍູ້ສາຍພົວພັນຄູ່ຮ່ວມຍຸດທະສາດຮອບດ້ານລະຫວ່າງຈີນ-ເອີລົບ. ສອງ, ຈະເພີ່ມຄວາມຮັບປະກັນດ້ານຄວາມໝັ້ນຄົງໃຫ້ແກ່ການປ່ຽນແປງຂອງສາກົນໃນປະຈຸບັນ, ນຳເອົາດ້ານບວກມາສູ່ການປົກປ້ອງລັດທິຫຼາຍຝ່າຍ. ສາມ, ຜ່ານການສ້າງ “ຫນຶ່ງແລວ ຫນຶ່ງເສັ້ນທາງ”ທີ່ເຊື່ອມຕໍ່ກັບຍຸດທະສາດເຊື່ອມໂຍງເອີລົບອາຊີຂອງສະຫະພາບເອີລົບ, ຈະສາມາດຊຸກຍູ້ການເຊື່ອມ