ຕົວເລກທີ່ກະຊວງສຶກສາທິການຈີນເປີດເຜີຍໃນວັນທີ 27 ມີນານີ້ສະແດງໃຫ້ເຫັນວ່າ, ຍອດຈຳນວນນັກສຶກສາໄປຮຽນຕໍ່ຢູ່ຕ່າງປະເທດຂອງຈີນໃນປີ 2018 ມີເຖິງ 662.100 ຄົນ. ໃນນັ້ນ, ທຶນລັດຖະບານມີ 30.200 ຄົນ, ທຶນໜ່ວຍງານມີເຖິງ 35.600 ຄົນ ແລະ ທຶນສ່ວນຕົວມີ 596.300 ຄົນ.
ຕົວເລກຍັງສະແດງໃຫ້ເຫັນວ່າ, ຍອດຈຳນວນນັກສຶກສາໄປຮຽນຕໍ່ຢູ່ຕ່າງປະເທດທີ່ໄດ້ກັບຄືນປະເທດຈີນຫຼັງຮຽນຈົບໃນປີ 2018 ມີເຖິງ 519.400 ຄົນ. ໃນນັ້ນ, ທຶນລັດຖະບານມີ 25.300 ຄົນ, ທຶນໜ່ວຍງານມີ 26.500 ຄົນ ແລະ ທຶນສ່ວນຕົວມີ 467.600 ຄົນ.
ເມື່ອທຽບໃສ່ຕົວເລກຂອງປີ 2017 ແລ້ວເຫັນວ່າ, ຈຳນວນນັກສຶກສາໄປຮຽນຕໍ່ຢູ່ຕ່າງປະເທດໄດ້ເພີ່ມຂຶ້ນ 53.700 ຄົນ ແລະ ຜູ້ກັບຄືນປະເທດຫຼັງຮຽນຈົບໄດ້ເພີ່ມຂຶ້ນ 38.500 ຄົນ.