ການຢ້ຽມຢາມຕ່າງປະເທດຄັ້ງທຳອິດໃນປີນີ້, ທ່ານສີຈິ້ນຜິງໄດ້ເປັນສັກຂີພິຍານໃນຫຼາຍເຫດການ “ຄັ້ງທຳອິດ”
ນັບແຕ່ວັນທີ 21 ຫາວັນທີ 26 ມີນານີ້, ທ່ານສີຈິ້ນຜິງ ປະທານປະເທດຈີນໄດ້ເດີນທາງຢ້ຽມຢາມທາງລັດຖະກິດຕາມການເຊື້ອເຊີນຂອງປະມຸກລັດອີຕາລີ, ໂມນາໂກ ແລະຝຣັ່ງ, ແລະເປັນການເດີນທາງຢ້ຽມຢາມປະເທດເອີຣົບຄັ້ງທຳອິດໃນປີນີ້ຂອງຜູ້ນຳສູງສຸດຈີນ. ໃນໄລຍະຢູ່ຢ້ຽມຢາມ, ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມເປັນສັກຂີພິຍານໃນເຫດການສຳຄັນ “ຄັ້ງທຳອິດ” ຫຼາຍຄັ້ງ ເຊັ່ນ:
ອີຕາລີເປັນປະເທດທຳອິດໃນກຸ່ມ 7 ປະເທດ ຫຼື G7 ທີ່ເຂົ້າຮ່ວມຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”.
ສົ່ງວັດຖຸບູຮານຈີນໃນປະເທດອີຕາລີ 796 ອັນກັບຄືນສູ່ຈີນ.
ປະທານປະເທດຈີນຢ້ຽມຢາມໂມນາໂກເປັນຄັ້ງທຳອິດ.
ຮັບປຶ້ມ “ລຸນຢວີ” ຫຼື “ຄຳພີຈະລິຍະວັດຂອງຂົງຈື້” ສະບັບພາສາຝຣັ່ງເປັນຄັ້ງທຳອິດ.
ຈີນ ແລະ ຝຣັ່ງຈັດເວທີປຶກສາຫາລືການບໍລິຫານໂລກ ແລະ “ການພົບປະສີ່ຝ່າຍ” ຄັ້ງທຳອິດ ແລະອື່ນໆ.
ການເດີນທາງຢ້ຽມຢາມປະເທດເອີຣົບຄັ້ງນີ້ຂອງທ່ານສີຈິ້ນຜິງສະແດງໃຫ້ເຫັນວ່າ ຈີນ ແລະເອີຣົບພວມຕັ້ງໜ້າສ້າງສາຍພົວພັນຄູ່ຮ່ວມມື 4 ດ້ານສຳຄັນ ຄື: ສັນຕິພາບ, ການເຕີບໂຕ, ການປະຕິຮູບ ແລະຄວາມສິວິໄລ.
