ກອງປະຊຸມວຽກງານປະຊາສົງເຄາະທົ່ວປະເທດຈີນຄັ້ງທີ 14 ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 2 ເມສານີ້ ໂດຍໄດ້ເຜີຍແຜ່ທິດຊີ້ນຳສຳຄັນຕໍ່ວຽກງານປະຊາສົງເຄາະຂອງທ່ານສີຈິ້ນຜິງ. ທ່ານສີຈິ້ນຜິງກ່າວເນັ້ນວ່າ, ໃນຫຼາຍປີມານີ້, ລະບົບວຽກງານປະຊາສົງເຄາະໄດ້ຈັດຕັ້ງປະຕິບັດນະໂຍບາຍຂອງສູນກາງຢ່າງແທ້ຈິງ, ໄດ້ປະຕິຮູບ, ໄດ້ສູ້ຊົນຜ່ານຜ່າ, ວຽກງານທຸກດ້ານໄດ້ມີຄວາມຄືບໜ້າໃໝ່ ແລະ ຮັບໃຊ້ພາລະກິດປະຕິຮູບແລະພັດທະນາປະເທດໄດ້ເປັນຢ່າງດີ.
ທ່ານສີຈິ້ນຜິງກ່າວຕື່ມວ່າ, ວຽກງານປະຊາສົງເຄາະພົວພັນເຖິງຊີວິດການເປັນຢູ່ຂອງປະຊາຊົນ ແລະ ປະຊາຊົນໃຫ້ຄວາມສົນໃຈຫຼາຍ, ແມ່ນວຽກງານພື້ນຖານໃນການພັດທະນາສັງຄົມ. ຄະນະພັກແລະອຳນາດການປົກຄອງທຸກຂັ້ນຕ້ອງຍຶດໝັ້ນໂດຍຖືເອົາປະຊາຊົນເປັນໃຈກາງ, ເພີ່ມທະວີການນຳພາຕໍ່ວຽກງານປະຊາສົງເຄາະ, ເພີ່ມຄວາມສາມາດບໍລິການວຽກງານປະຊາສົງເຄາະຂັ້ນຮາກຖານ ເພື່ອຊຸກຍູ້ໃຫ້ພາລະກິດປະຊາສົງເຄາະພັດທະນາຢ່າງຕໍ່ເນື່ອງແລະປອດໃສ. ພາກສ່ວນປະຊາສົງເຄາະທຸກຂັ້ນຕ້ອງເພີ່ມທະວີການກໍ່ສ້າງພັກ, ຍຶດໝັ້ນການປະຕິຮູບແລະປະດິດສ້າງໃໝ່, ສຸມໃສ່ວຽກງານຫຼຸດຜ່ອນຄວາມທຸກຍາກ, ສຸມໃສ່ກຸ່ມຄົນດ້ອຍໂອກາດ, ສຸມໃສ່ໃນສິ່ງທີ່ປະຊາຊົນໃຫ້ຄວາມສົນໃຈ, ປະກອບສ່ວນໃໝ່ເພື່ອສ້າງສັງຄົມທີ່ອີ່ມໜຳສຳລານຢ່າງຮອບດ້ານ ແລະ ສ້າງປະເທດສັງຄົມນິຍົມທີ່ທັນສະໄໝຢ່າງຮອບດ້ານ.