ວັນທີ 26 ມີນາ ຫາ ວັນທີ 4 ເມສາ ປີ 2019,ທ່ານ ຈົ່ງໂກຢີງ ກຳມະການປະຈຳຄະນະພັກແຂວງ,ຮອງເຈົ້າແຂວງແຂວງຢຸນນານ ນຳພາຄະນະຜູ້ແທນອຳນາດການປົກຄອງແຂວງຢຸນນານຢ້ຽມຢາມປະເທດມຽນມາ,ຫວຽດນານ,ລາວ.
ໃນຊ່ວງເວລາທີ່ຢ້ຽມຢາມປະເທດລາວ,ຄະນະຜູ້ແທນ ພົບປະກັບ ທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ,ປະທານສູນກາງແນວລາວສ້າງຊາດ,ລັດຖະມົນຕີກະຊວງອຸດສາຫະກຳແລະການຄ້າ,ເຈົ້າແຂວງແລະເລຂາຄະນະພັກແຂວງຫຼວງພະບາງແລະອື່ນໆ.ນອກຈາກນັ້ນ,ຄະນະຜູ້ແທນຍັງໄດ້ຢ້ຽມຢາມສະຖານທູດຈີນປະຈຳປະເທດມຽນມາ,ຫວຽດນານ,ລາວ ແລະສະຖານກົງສຸນໃຫຍ່ ສປ ຈີນທີ່ປະເທດມຽນມາ,ຫວຽດນານ,ລາວ.ສຳຫຼວດຄົ້ນຄວ້າແລວທາງເສດຖະກິດອັນສຳຄັນທີ່ອອກໄປສູ່ຕ່າງປະເທດຄື ແລວທາງເສດຖະກິດຈີນ-ມຽນມາ,ແລວທາງເສດຖະກິດຈີນ-ຫວຽດນານ,ແລວທາງເສດຖະກິດຈີນ-ລາວ ແລະ ໂຄງການການຮ່ວມມືທຸລະກິດຂອງແຂວງຢຸນນານທີ່ລົງທຶນຫຼືຮັບເຫມົາການກໍ່ສ້າງຢູ່ຕ່າງປະເທດ.
ການຢ້ຽມຢາມຄັ້ງນີ້ເຮັດໃຫ້ການແລກປ່ຽນແລະການໄປມາຫາສູ່ກັນຂອງແຂວງຢຸນນານກັບສາມປະເທດແໜ້ນແຟ້ນຍິ່ງຂຶ້ນກວ່າເກົ່າ,ບັນລຸຄວາມເຂົ້າໃຈຮ່ວມກັນອັນສຳຄັນຫລາຍຢ່າງ,ຊຸກຍູ້ການຮ່ວມມືທຸກຂົງເຂດໃຫ້ນັບມືນັບສະຫນິດແຫນ້ນຍິ່ງຂຶ້ນ,ເພື່ອຊຸກຍູ້ຂໍ້ລິເລີ່ມ“ໜຶ່ງແລວທາງ ໜຶ່ງເສັ້ນທາງ“ ແລະ ການກໍ່ສ້າງແລວທາງເສດຖະກິດຈີນ-ມຽນມາ,ແລວທາງເສດຖະກິດຈີນ-ຫວຽດນານ,ແລວທາງເສດຖະກິດຈີນ-ລາວເປັນພະລັງຂັບເຄື່ອນໃຫ້ແຂວງຢຸນນານ.