ວັນທີ 16 ເມສານີ້, ທ່ານ ສີຈິ້ນຜິງ ປະທານປະເທດຈີນ ໄດ້ສົ່ງສານເຖິງທ່ານ ແອມມານູແອນ ມາຄຣົງ ແລະປະຊາຊົນທົ່ວປະເທດຝຣັ່ງ ເພື່ອສະແດງຄວາມເຫັນໃຈຕໍ່ເຫດການອັກຄີໄພທີ່ເກີດຂຶ້ນຢູ່ໂບດໂນເຕຣີ ແດມເມີ.
ທ່ານ ສີຈິ້ນຜິງ ກ່າວວ່າ: ໂບດໂນເຕຣີ ແດມເມີ ແມ່ນສັນຍະລັກທີ່ສຳຄັນຂອງອາຍະລະທຳຝຣັ່ງ, ທັງແມ່ນມິ່ງຂວັນອັນປະເສີດຂອງອາລະຍະທຳມວນມະນຸດ. ປະຊາຊົນຈີນກໍຄືກັນກັບປະຊາຊົນຝຣັ່ງ, ມີຄວາມຮູ້ສຶກເຈັບແສບຕໍ່ອັກຄີໄພຄັ້ງນີ້. ເຊື່ອວ່າ ພາຍໃຕ້ຄວາມພະຍາຍາມຂອງປະຊາຊົນຝຣັ່ງແລະການສະໜັບສະໜູນຂອງປະຊາຄົມໂລກ, ໂບດໂນເຕຣີ ແດມເມີ ຍ່ອມຈະໄດ້ຮັບການປະຕິສັງຂອນຢ່າງສະດວກ ແລະແລະມີຄວາມສວຍສົດງົດງາມຄືນໃໝ່.