ຕາມຂ່າວສານຊີນຮວາ: ກອງປະຊຸມຍ່ອຍການແລກປ່ຽນນະໂຍບາຍຂອງເວທີປຶກສາຫາລືການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ຄັ້ງທີ 2 ທີ່ຈັດຂຶ້ນໃນຕອນເຊົ້າວັນທີ 25 ເມສານີ້ ໄດ້ເຊັນຂໍ້ຕົກລົງທີ່ສຳຄັນ 60 ກວ່າສະບັບ, ເຊິ່ງລວມທັງເປີດຕົວປື້ມ “ຮ່ວມກັນສ້າງຂໍ້ລິເລີ່ມ ໜຶ່ງແລ້ວໜຶ່ງເສັ້ນທາງ: ຄວາມຄືບໜ້າ, ການອຸທິດ ກັບການຈ້ອງມອງ” ສະບັບພາສາຕ່າງປະເທດ 7 ພາສາ, ໄດ້ຮ່ວມກັບຫຼາຍປະເທດແລະຫຼາຍອົງການຈັດຕັ້ງສາກົນ ເຊັນເອກະສານໃນຂົງເຂດຕ່າງໆເຊັ່ນ:ຮ່ວມກັນສ້າງ “ໜຶ່ງແລວໜຶ່ງເສັ້ນທາງ”, ການຮ່ວມມືດ້ານຄວາມສາມາດໃນການຜະລິດ, ແລະ ຮ່ວມມືໃນຕະຫຼາດຝ່າຍທີ 3 ເປັນຕົ້ນ, ແລະ ໄດ້ຊຸກຍູ້ໂຄງການຮ່ວມມືທີ່ຕິດແທດຕົວຈິງຈຳນວນໜຶ່ງ.
ກອງປະຊຸມຍ່ອຍການແລກປ່ຽນນະໂຍບາຍຄັ້ງນີ້ ແມ່ນຈັດຂຶ້ນໂດຍຄະນະກຳມະການພັດທະນາແລະປະຕິຮູບແຫ່ງຊາດຈີນ. ຫົວຂໍ້ຫຼັກແມ່ນ: ລົງເລິກການຮ່ວມມືແລະຄວາມຮັບຮູ້ຮ່ວມກັນ, ຊຸກຍູ້ “ໜຶ່ງແລວໜຶ່ງເສັ້ນທາງ” ພັດທະນາດ້ວຍຄຸນນະພາບສູງ. ບຸກຄົນສຳຄັນຂອງຈີນແລະຕ່າງປະເທດ 300 ກວ່າທ່ານທີ່ມາຈາກ 50 ກວ່າປະເທດແລະ 20 ກວ່າອົງການຈັດຕັ້ງສາກົນໄດ້ເຂົ້າຮ່ວມກອງປະຊຸມຄັ້ງນີ້.