ວັນທີ 6 ພຶດສະພານີ້, ທ່ານ ສີຈິ້ນຜິງ ປະທານປະເທດຈີນໄດ້ສົ່ງສານເຖິງທ່ານ ວະລາດີເມຍ ປູຕິນ ປະທານາທິບໍດີຣັດເຊຍເພື່ອສະແດງຄວາມເສົ້າສະຫຼົດໃຈແລະເຫັນໃຈຕໍ່ອຸບັດເຫດໄຟໄໝ້ເຮືອບິນໂດຍສານລຳໜຶ່ງຂອງຣັດເຊຍຂະນະທີ່ລົງຈອດສຸກເສີນຢູ່ສະໜາມບິນສາກົນເຊເຣເມເທຍໂວທີ່ນະຄອນຫຼວງມົສກູສົ່ງຜົນເຮັດໃຫ້ມີຜູ້ເສຍຊີວິດແລະບາດເຈັບເປັນຈຳນວນຫຼວງຫຼາຍ.
ທ່ານ ສີຈິ້ນຜິງ ກ່າວວ່າ: ທ່ານຮູ້ສຶກຕົກໃຈທີ່ໄດ້ຮັບຊາບຂ່າວວ່າເຮືອບິນໂດຍສານລຳໜຶ່ງຂອງຣັດເຊຍເກີດອຸບັດເຫດໄຟໄໝ້ຂະນະທີ່ລົງຈອດສຸກເສີນຢູ່ສະໜາມບິນສາກົນເຊເຣເມເທຍໂວທີ່ມົສກູ,ສົ່ງຜົນເຮັດໃຫ້ມີຜູ້ເສຍຊີວິດແລະບາດເຈັບຈຳນວນຫຼວງຫຼາຍແລະມີຜົນເສຍຫາຍທາງດ້ານຊັບສິນ.ຂ້າພະເຈົ້າຂໍຕາງໜ້າລັດຖະບານແລະປະຊາຊົນຈີນ,ແລະໃນນາມສ່ວນຕົວ,ສະແດງຄວາມເສົ້າສະຫຼົດໃຈຢ່າງສຸດຊຶ້ງຕໍ່ຜູ້ເສຍຊີວິດ,ແລະສະແດງຄວາມເຫັນໃຈຢ່າງຈິງໃຈຕໍ່ຄອບຄົວຂອງຜູ້ເສຍຊີວິດແລະບາດເຈັບ.
ໃນມື້ດັ່ງກ່າວ,ທ່ານ ຫຼີເຄີ້ສຽງ ນາຍົກລັດຖະມົນຕີຈີນກໍ່ໄດ້ສົ່ງສານເຖິງທ່ານ ດີມີຕຣີ ເມດເວເດັຟ ນາຍົກລັດຖະມົນຕີຣັດເຊຍເພື່ອສະແດງຄວາມເສົ້າສະຫຼົດໃຈກ່ຽວກັບເຫດການນີ້ທັງໄດ້ສະແດງຄວາມໄວ້ອາໄລຕໍ່ຜູ້ເສຍຊີວິດແລະສະແດງຄວາມເຫັນໃຈຕໍ່ຄອບຄົວຂອງຜູ້ເສຍຊີວິດແລະບາດເຈັບເຊັ່ນດຽວກັນ.