ສະໜາມກິລາແຫ່ງຊາດກຳປູເຈຍທີ່ຈີນຊ່ວຍກໍ່ສ້າງໄດ້ສ້າງໂຄງຮ່າງຫຼັກສຳເລັດແລ້ວ
ວັນທີ 12 ພຶດສະພານີ້, ໂຄງການກໍ່ສ້າງສະໜາມກິລາແຫ່ງຊາດກຳປູເຈຍທີ່ລັດຖະບານຈີນຊ່ວຍເຫຼືອສ້າງນັ້ນໄດ້ຈັດພິທີສ້າງໂຄງຮ່າງຫຼັກສຳເລັດຢູ່ນະຄອນຫຼວງພະນົມເປັນປະເທດກຳປູເຈຍ.
ທ່ານທອງຄອນ ລັດຖະມົນຕີກະຊວງທ່ອງທ່ຽວກຳປູເຈຍກ່າວໃນພິທີດັ່ງກ່າວວ່າ, ສະໜາມກິລາແຫ່ງຊາດກຳປູເຈຍຈະຊຸກຍູ້ການພັດທະນາພາລະກິດກິລາແລະວັດທະນະທຳຂອງກຳປູເຈຍ, ແມ່ນໂຄງການໜຶ່ງທີ່ມີລັກສະນະປະຫວັດສາດ, ໂຄງການດັ່ງກ່າວເປັນການຢັ້ງຢືນເຖິງມິດຕະພາບລະຫວ່າງກຳປູເຈຍກັບຈີນທີ່ຂະຫຍາຍຕົວຢ່າງໝັ້ນທ່ຽງແລະຍາວນານ.
ໂຄງການສະໜາມກິລາແຫ່ງຊາດກຳປູເຈຍແມ່ນບໍລິສັດວິສະວະກຳສາກົນຈົ່ງຢວນຈີນອອກແບບ, ບໍລິສັດຫຸ້ນສ່ວນກໍ່ສ້າງຈີນຈຳກັດລົງມືກໍ່ສ້າງ, ໃນເນື້ອທີ່ກໍ່ສ້າງປະມານ 82,000 ຕາແມັດ, ສາມາດບັນຈຸຜູ້ຊົມ 6 ໝື່ນຄົນ. ໂຄງການດັ່ງກ່າວຈະສ້າງສຳເລັດໃນທ້າຍປີ 2020, ແລະຈະນຳໃຊ້ເປັນສະໜາມກິລາຕົ້ນຕໍຂອງງານມະຫະກຳກິລາອາຊີຕາເວັນອອກສຽງໃຕ້ປີ 2023.