ສະຫະພັນວິທະຍາສາດຫຼຸດຜ່ອນໄພພິບັດສາກົນ ເຊິ່ງແມ່ນນັກວິທະຍາສາດຈີນລິເລີ່ມສ້າງຕັ້ງໄດ້ຈັດກອງປະຊຸມຂຶ້ນຢູ່ນະຄອນຫຼວງປັກກິ່ງໃນວັນທີ 12 ພຶດສະພານີ້ ໂດຍຈະສຸມໃສ່ການປ້ອງກັນແລະຫຼຸດຜ່ອນໄພພິບັດທຳມະຊາດລຽບຕາມ “ໜຶ່ງແລວໜຶ່ງເສັ້ນທາງ” ໃນອະນາຄົດ ແລະ ຍົກຄວາມສາມາດການປ້ອງກັນແລະຫຼຸດຜ່ອນໄພພິບັດພ້ອມທັງຄວາມສາມາດດ້ານການພັດທະນາແບບຍືນຍົງຂອງປະເທດແລະເຂດແຄວ້ນລຽບຕາມ “ໜຶ່ງແລວໜຶ່ງເສັ້ນທາງ”.
ເພື່ອເລື່ອງນີ້, ໃນກອງປະຊຸມວິຊາການສາກົນວ່າດ້ວຍການປ້ອງກັນແລະຫຼຸດຜ່ອນໄພພິບັດແລະການພັດທະນາແບບຍືນຍົງ “ໜຶ່ງແລວໜຶ່ງເສັ້ນທາງ” ທີ່ຈັດຂຶ້ນຢູ່ນະຄອນຫຼວງປັກກິ່ງແຕ່ວັນທີ 11 ຫາ 12 ພຶດສະພານີ້, ສະຖາບັນຄົ້ນຄວ້າໄພພິບັດແລະສິ່ງແວດລ້ອມເຂດພູດອຍນະຄອນເຊິງຕູ່ທີ່ຂຶ້ນກັບກະຊວງຊົນລະປະທານແລະສະຖາບັນວິທະຍາສາດຈີນ, ວິທະຍາໄລສ້າງສາຄືນໃໝ່ຫຼັງໄພພິບັດຂອງມະຫາວິທະຍາໄລເສສວນ ແລະ ສະຖາບັນຄົ້ນຄວ້າທໍລະນີສາດແລະຊັບພະຍາກອນຂອງສະຖາບັນວິທະຍາສາດຈີນໄດ້ຮ່ວມກັນລິເລີ່ມສ້າງຕັ້ງສະຫະພັນວິທະຍາສາດຫຼຸດຜ່ອນໄພພິບັດສາກົນ ໂດຍການເຂົ້າຮ່ວມຂອງອົງການຈັດຕັ້ງຄົ້ນຄວ້າວິທະຍສາດແລະໂຮງຮຽນຊັ້ນສູງ 30 ກວ່າແຫ່ງຈາກຈີນ, ອີຕາລີ, ເນປານ, ສີລັງກາ ແລະ ປາກິດສະຖານພ້ອມດ້ວຍຫຼາຍອົງການຈັດຕັ້ງສາກົນ ເຊັ່ນ: ສະຖາບັນຮັກສາດິນແລະນ້ຳສາກົນ, ສູນພັດທະນາເຂດພູດອຍສັງລວມສາກົນກໍໄດ້ເຂົ້າຮ່ວມ.