ໄຂເວທີປຶກສາຫາລືການຮ່ວມມືສື່ມວນຊົນຈີນ-ອາຊຽນ 2019 ຢູ່ນະຄອນຫຼວງປັກກິ່ງ
ຕາມຂ່າວCRI: ວັນທີ 14 ພຶດສະພານີ້, ເວທີປຶກສາຫາລືການຮ່ວມມືສື່ມວນຊົນຈີນ-ອາຊຽນ 2019 ໄດ້ໄຂຂຶ້ນຢູ່ນະຄອນຫຼວງປັກກິ່ງຂອງຈີນ. ຫົວຂໍ້ຫຼັກຂອງເວທີປຶກສາຫາລືຄັ້ງນີ້ແມ່ນ “ໄລຍະໃໝ່ ທ່າອ່ຽງໃໝ່ ການຮ່ວມມືໃໝ່”, ຜູ້ຕາງໜ້າທີ່ໄດ້ເຂົ້າຮ່ວມຄັ້ງນີ້ໄດ້ປຶກສາຫາລື 2 ຫົວຂໍ້ຄື “ສ້າງປະຫວັດສາດໜ້າໃໝ່ດ້ານການຮ່ວມມືແບບຕ່າງຝ່າຍຕ່າງມີຜົນປະໂຫຍດ” ແລະ “ສ້າງອະນາຄົດໃໝ່ດ້ານການພັດທະນາທີ່ມີການເຊື່ອມໂຍງເຂົ້າກັນ”.
ທ່ານກົວເວີ້ຍໝິນ, ຮອງຫົວໜ້າຫ້ອງການຖະແຫຼງຂ່າວລັດຖະບານຈີນກ່າວໃນພິທີເປີດວ່າ, ຈີນຍິນດີຮ່ວມກັນກັບອາຊຽນ, ຖືການຈັດປີແລກປ່ຽນດ້ານສື່ມວນຊົນຈີນ-ອາຊຽນຮ່ວມກັນເປັນໂອກາດໃໝ່, ເພີ່ມທະວີການຮ່ວມມືແລະການແລກປ່ຽນດ້ານສື່ມວນຊົນລະຫວ່າງສອງຝ່າຍ, ຊຸກຍູ້ການເຊື່ອມໂຍງດ້ານຈິດໃຈຂອງປະຊາຊົນ, ລົງເລິກການພົວພັນຄູ່ຮ່ວມມືຍຸດທະສາດລະຫວ່າງສອງຝ່າຍ.
ທ່ານທອງຫຼໍ່ ດວງສະຫວັນ，ຫົວໜ້າບັນນາທິການໃຫຍ່ໜັງສືພິມ＂ພາສາຕ່າງປະເທດ＂ຂອງປະເທດລາວກ່າວວ່າ，ສື່ມວນຊົນຂອງປະເທດສະມາຊິກອາຊຽນແລະຈີນໄດ້ເສີມຂະຫຍາຍບົດບາດທີ່ສຳຄັນເຂົ້າໃນການຊຸກຍູ້ແລະເພີ່ມທະວີການລາຍງານແລະການແລກປ່ຽນກ່ຽວກັບການພັດທະນາດ້ານເສດຖະກິດ，ການເມືອງ, ສັງຄົມແລະວັດທະນະທຳ，ເຊິ່ງເຮັດໃຫ້ພາຍໃນອາຊຽນແລະທົ່ວປະຊາຄົມໂລກລ້ວນແຕ່ມີຄວາມເຂົ້າໃຈແລະຮັບຮູ້ຢ່າງເລິກເຊິ່ງກວ່າເກົ່າຕໍ່ອາຊຽນ．
ເວທີປຶກສາຫາລືຄັ້ງນີ້ຈັດຂຶ້ນໂດຍກົມພາສາຕ່າງປະເທດຈີນ，ຄະນະທູດຈີນປະຈຳອາຊຽນແລະສູນຈີນ－ອາຊຽນ．