ກະຊວງການຄ້າຈີນປະກາດໃນວັນທີ 16 ພຶດສະພານີ້ວ່າ ແຕ່ເດືອນມັງກອນຫາເດືອນເມສາປີນີ້, ມີວິສາຫະກິດຕ່າງປະເທດສ້າງຕັ້ງຂຶ້ນໃໝ່ໃນຈີນເຖິງ 13.000 ກວ່າແຫ່ງ, ມີເງິນລົງທຶນຫຼາຍກວ່າ 305,2 ຕື້ຢວນ ເພີ່ມຂຶ້ນ 6,4% ເມື່ອທຽບໃສ່ໄລຍະດຽວກັນຂອງປີຜ່ານມາ. ອຸດສາຫະກຳການຜະລິດ ແລະ ການບໍລິການ ທີ່ມີເຕັກນິກສູງໄດ້ຮັກສາຈັງຫວະການເຕີບໂຕອ່າວສູງ. ທ່ານກ່າວເຟິ່ງ ໂຄສົກກະຊວງການຄ້າຈີນ ກ່າວວ່າ: ໃນນີ້, ອຸດສາຫະກຳການຜະລິດເອເລັກໂຕຣນິກແລະອຸປະກອນການສື່ສານ, ອຸດສາຫະກຳການຜະລິດຄອມພິວເຕີແລະອຸປະກອນໃຊ້ຫ້ອງການມີເງິນລົງທຶນຂອງຕ່າງປະເທດຕ່າງເພີ່ມຂຶ້ນ 38,7% ແລະ 45,8% ຕາມລຳດັບ. ຂະນະທີ່ການບໍລິການຂໍ້ມູນຂ່າວສານ, ການບໍລິການດ້ານການອອກແບບແລະຄົ້ນຄວ້າ-ຜະລິດ ແລະ ການບໍລິການການປັບໃຊ້ວິທະຍາສາດເຕັນນິກໃຫ້ເປັນປະໂຫຍດ ຕ່າງໄດ້ເພີ່ມຂຶ້ນ 57,4%, 49,1% ແລະ 96,3% ຕາມລຳດັບ.ນອກນີ້, ທ່ານກ່າວເຟິ່ງ ຍັງກ່າວຕື່ມວ່າ: ໃນປະເທດທີ່ເປັນແຫຼ່ງທຶນຕົ້ນຕໍໃນການລົງທຶນຢູ່ຈີນເພີ່ມຂຶ້ນໃນ 4 ເດືອນທຳອິດຂອງປີນີ້ ໄດ້ແກ່ ສ.ເກົາຫຼີ, ຍີ່ປຸ່ນ, ອາເມຣິກາ, ເຢຍລະມັນ ແລະປະເທດອື່ນໆ.