ກອງປະຊຸມອົງການອະນາໄມໂລກຄັ້ງທີ 72 ໄດ້ຈັດຂຶ້ນຢູ່ນະຄອນເຊີແນວປະເທດສະວິສໃນວັນທີ 20 ພຶດສະພານີ້ ໂດຍຈະປຶກສາຫາລືກ່ຽວກັບຫົວຂໍ້ “ສຸຂະພາບທົ່ວປວງຊົນ:ບໍ່ປະຖິ້ມຜູ້ໃດ”,ເພື່ອຊຸກຍູ້ການຈັດຕັ້ງປະຕິບັດສຸຂະພາບທົ່ວປວງຊົນໃຫ້ໄດ້ 100%,ຊຸກຍູ້ໃຫ້ບັນດາປະເທດໃນໂລກຈັດຕັ້ງປະຕິບັດສຸຂະພາບທົ່ວປວງຊົນໃຫ້ໄດ້ 100% ດ້ວຍການກະທຳຕົວຈິງ.
ກອງປະຊຸມຄັ້ງນີ້ຈະຈັດຂຶ້ນແຕ່ວັນທີ 20 ຫາວັນທີ 28 ພຶດສະພານີ້. ຕາມວາລະປະຊຸມ,ນອກຈາກປຶກສາຫາລືກ່ຽວກັບບັນຫາການຮັກສາສຸຂະພາບໃນເບື້ອງຕົ້ນແລ້ວ,ກອງປະຊຸມຍັງຈະປຶກສາຫາລືກ່ຽວກັບບັນຫາທີ່ລະອຽດຕ່າງໆເຊັ່ນ: ການເຂົ້າເຖິງຢຸກຢາແລະຢາວັກແຊັງ,ອາການດື້ຢາຕ້ານເຊື້ອຈຸລິນຊີແລະບັນຫາອື່ນໆ,ຈັດຕັ້ງປະຕິບັດສຸຂະພາບທົ່ວປວງຊົນໃຫ້ໄດ້100% ດ້ວຍການກະທຳຕົວຈິງ. ນອກນີ້,ກອງປະຊຸມຍັງຈະໃຫ້ຄວາມສຳຄັນຕໍ່ລະດັບຄວາມໂປ່ງໃສຂອງລາຄາຢາ,ຢາວັກແຊັງແລະຜະລິດຕະພັນການແພດແລະບັນຫາອື່ນໆ.
ໃນວາລະດຳເນີນກອງປະຊຸມ, 5 ປະເທດຄືຈີນແລະ 4 ປະເທດອື່ນໆໄດ້ຮ່ວມກັນຈັດກອງປະຊຸມຕ່າງໆພາຍໃຕ້ຫົວຂໍ້ “ການຮັກສາສຸຂະພາບແລະການອະນາໄມໃນເບື້ອງຕົ້ນກ້າວໄປເຖິງການຮັກສາສຸຂະພາບທົ່ວປວງຊົນໃຫ້ໄດ້ 100% ແລະເປົ້າໝາຍການພັດທະນາແບບຍືນຍົງ” ໂດຍມີທ່ານ ໝ້າສຽວເຫວີຍ ຫົວໜ້າຄະນະກຳມະການສຸຂະພາບແລະອະນາໄມແຫ່ງຊາດຈີນເຂົ້າຮ່ວມແລະກ່າວຄຳປາໄສທີ່ສຳຄັນໃນກອງປະຊຸມ.