ເວທີປຶກສາຫາລືເສດຖະກິດການປະດິດສ້າງໃໝ່ປີ 2019 ທີ່ສູນແລກປ່ຽນເສດຖະກິດສາກົນຈີນແລະບໍລິສັດບລູມເບີກຈຳກັດຮ່ວມກັນເປັນເຈົ້າພາບຈະຈັດຂຶ້ນຢູ່ນະຄອນຫຼວງປັກກິ່ງໃນວັນທີ 20 ຫາວັນທີ 22 ພະຈິກປີນີ້. ຜູ້ບໍລິຫານລະດັບສູງຂອງວິສາຫະກິດ,ນັກປະດິດສ້າງວິທະຍາສາດເຕັກນິກ,ເຈົ້າໜ້າທີ່ລັດຖະບານ,ຜູ້ຊ່ຽວຊານແລະນັກວິຊາການທີ່ມີຊື່ສຽງປະມານ 500 ທ່ານຈາກ 60 ກວ່າປະເທດແລະເຂດແຄວ້ນຂອງໂລກຈະຮ່ວມກັນປຶກສາຫາລືກ່ຽວກັບວິທີການຮັບມືແລະແຜນການແກ້ໄຂສິ່ງທ້າທາຍທີ່ສຳຄັນແລະໃຫຍ່ຫຼວງທີ່ພວມຜະເຊີນໃນປັດຈຸບັນ.
ຂ່າວແຈ້ງວ່າ:ເວທີປຶກສາຫາລືຄັ້ງນີ້ຈະສຸມໃສ່ບັນຫາຈຸດສຸມໃນຂົງເຂດຕ່າງໆເຊັ່ນ: ການບໍລິຫານເສດຖະກິດໂລກ,ການຄ້າ,ວິທະຍາສາດເຕັກນິກ,ຕະຫຼາດທຶນ,ການປ່ຽນແປງຂອງດິນຟ້າອາກາດ,ການພັດທະນາແບບກວມລວມແລະການຫັນເປັນຕົວເມືອງເປັນຕົ້ນ.