ກອງປະຊຸມປະຈຳປີກ່ຽວກັບການນຳທາງດ້ວຍດາວທຽມຈີນຄັ້ງທີ 10 ທີ່ຈັດຂຶ້ນໃນວັນທີ 22 ພຶດສະພານີ້ໄດ້ລາຍງານວ່າ: ກ່ອນທ້າຍປີນີ້, ຈີນຍັງຈະສົ່ງດາວທຽມເປີຍໂຕ 6-8 ດວງ ເພື່ອຍົກສະມັດຕະພາບຂອງລະບົບເປີຍໂຕໃຫ້ສູງຂຶ້ນຢ່າງບໍ່ຢຸດຢັ້ງ, ສ້າງລະບົບການນຳທາງດ້ວຍດາວທຽມລະດັບໜຶ່ງຂອງໂລກໃຫ້ສຳເລັດໃນປີ 2020 ແລະໃຫ້ການບໍລິການທີ່ມີຄຸນນະພາບສູງກວ່າເກົ່າ.
ລະບົບເປີຍໂຕແມ່ນພື້ນຖານໂຄງລ່າງທາງອະວະກາດທີ່ສຳຄັນຂອງຈີນ, ນັບແຕ່ການສ້າງລະບົບເປີຍໂຕ 3 ຂັ້ນພື້ນຖານຢ່າງສຳເລັດຜົນໃນທ້າຍປີ 2018 ເປັນຕົ້ນມາ, ການປະຕິບັດວຽກງານມີຄວາມໝັ້ນທ່ຽງແລະຕໍ່ເນື່ອງ. ປັດຈຸບັນ, ລະບົບເປີຍໂຕໄດ້ເຂົ້າສູ່ຍຸກໃຫ້ບໍລິການທົ່ວໂລກ, ອຸດສາຫະກຳການນຳໃຊ້ກໍໄດ້ພັດທະນາຢ່າງວ່ອງໄວ.