ກອງປະຊຸມເວທີປາໄສດ້ານການທ່ອງທ່ຽວແມ່ນ້ຳຂອງປີ 2019 ຈັດຂຶ້ນຢູ່ນະຄອນຕ້າຫຼີ
ວັນທີ 28 ພຶດສະພາ,ກອງປະຊຸມເວທີປາໄສດ້ານການທ່ອງທ່ຽວແມ່ນ້ຳຂອງປີ 2019ໄດ້ຈັດຂຶ້ນຢູ່ກິ່ງແຂວງປົກຄອງຕົນເອງຊົນເຜົ່າປາຍຕ້າຫຼີ.ໂດຍມີພະນັກງານມາຈາກກະຊວງການທ່ອງທ່ຽວ 6 ປະເທດຄື: ຈີນ, ລາວ, ກຳປູເຈຍ, ມຽນມາ, ໄທ ແລະຫວຽດນາມ, ຫ້ອງການທີ່ປຶກສາການທ່ອງທ່ຽວແມ່ນ້ຳຂອງ,ທະນາຄານພັດທະນາອາຊີ,ສູນກາງຈີນ-ອາຊຽນ,ວິສາຫະກິດການທ່ອງທຽ່ວແລະອື່ນໆ ເຊິ່ງມີຈຳນວນປະມານ 200 ກວ່າຄົນໄດ້ເຂົ້າຮ່ວມກອງປະຊຸມຄັ້ງນີ້ .ເພື່ອນຳສະເຫນີວິທີການແລະຍຸດທະສາດເພື່ອສ້າງຄວາມເຂັ້ມແຂງການພັດທະນາແລະການຮ່ວມມືທີ່ມີປະສິດທິພາບຂອງທຸກປະເທດໃນເຂດແມ່ນ້ຳຂອງ.ເວທີປຶກສາຫາລືຄັ້ງນີ້ ຈັດຂຶ້ນໂດຍກະຊວງວັດທະນະທຳແລະການທ່ອງທ່ຽວຈີນ ແລະ ອຳນາດການປົກຄອງປະຊາຊົນແຂວງຢູນນານ ພາຍໃຕ້ຫົວຂໍ້ “ການທ່ອງທ່ຽວ: ປົກປັກຮັກສາສືບທອດວັດທະນະທຳ ແລະ ພະລັງແຮງເພື່ອການຫຼຸດພົ້ນອອກຈາກຄວາມທຸກຍາກ”.
ໃນຊຸມປີມໍ່ໆມານີ້,ການຫຼຸດຜ່ອນຄວາມທຸກຍາກໂດຍການພັດທະນາການທ່ອງທ່ຽວເປັນຂົງເຂດອັນສຳຄັນຕໍ່ການຫຼຸດຜ່ອນຄວາມທຸກຍາກໃນທົ່ວໂລກ.ຂະແໜງການທ່ອງທ່ຽວໄດ້ກາຍເປັນວິທີການອັນສໍາຄັນສໍາລັບຊາວເມືອງທ້ອງຖິ່ນທີ່ຕ້ອງການຈະຫຼຸດພົ້ນອອກຈາກຄວາມທຸກຍາກ.ສະນັ້ນ,ຜູ້ຊ່ຽວຊານ, ນັກວິຊາການແລະຜູ້ປະກອບການທ່ອງທ່ຽວຂອງບັນດາປະເທດຍັງໄດ້ກ່າວຄຳຄິດຄຳເຫັນແລະປຶກສາຫາລືກັນໃນຫົວຂໍ້ຕ່າງໆເຊັ່ນ:ການພັດທະນາຂະແໜງການທ່ອງທ່ຽວທີ່ຈະຊຸກຍູ້ການຫຼຸດຜ່ອນຄວາມທຸກຍາກຢູ່ຊົນນະບົດ, ການພັດທະນາລົດໄຟໃຕ້ດິນເພື່ອຊຸກຍູ້ຂະແໜງການທ່ອງທ່ຽວໃຫ້ພັດທະນາຢ່າງຕໍ່ເນື່ອງ,ຍຸດທະສາດການຫຼຸດພົ້ນອອກຈາກຄວາມທຸກຍາກ ແລະ ການອະນຸລັກວັດທະນະທຳມໍລະດົກຂອງອະນຸພາກພື້ນແມ່ນ້ຳຂອງແລະອື່ນໆ.
ພ້ອມດຽວກັນນັ້ນຍັງມີກອງປະຊຸມແນະນຳການທ່ອງທ່ຽວວັດທະນະທຳແຂວງຢຸນນານໄດ້ຮັບການຈັດຂຶ້ນໃນມື້ດຽວກັນ.