ໃນກອງປະຊຸມຖະແຫຼງຂ່າວຂອງກະຊວງປ້ອງກັນປະເທດຈີນທີ່ຈັດຂຶ້ນໃນວັນທີ 30 ພຶດສະພານີ້, ທ່ານ ອູຊ່ຽນ ໂຄສົກກະຊວງປ້ອງກັນປະເທດຈີນກ່າວວ່າ: ທ່ານ ເວີ້ຍເຟີ້ງເຮີ ທີ່ປຶກສາແຫ່ງລັດ, ທັງເປັນລັດຖະມົນຕີກະຊວງປ້ອງກັນປະເທດຈີນ ຈະເຂົ້າຮ່ວມກອງປະຊຸມສົນທະນາຊາງກຣີລາຄັ້ງທີ 18 ທີ່ຈະຈັດຂຶ້ນຢູ່ສິງກະໂປຕາມການເຊື້ອເຊີນ. ໃນໄລຍະດັ່ງກ່າວ, ທ່ານ ເວີ້ຍເຟີ້ງເຮີ ຈະປາໄສກ່ຽວກັບຫົວຂໍ້ “ການຮ່ວມມືກັນດ້ານຄວາມໝັ້ນຄົງລະຫວ່າງຈີນກັບສາກົນ” ທັງຈະພົບປະກັບຫົວໜ້າຄະນະຜູ້ແທນຫຼາຍປະເທດ ເພື່ອດຳເນີນການແລກປ່ຽນກັນກ່ຽວກັບບັນຫາຕ່າງໆ.