ເມືອງໄຂຢວນແຂວງຢຸນນານ:“ດອກໄມ້ຂອງຢຸນນານ”ອອກດອກເບັ່ງບານໃນ ສວນກະສິກຳທັນສະໄຫມແລະປະສິດທິພາບສູງເມືອງໄຂຢວນ

ງານວາງສະແດງດອກໄມ້ສາກົນຄຸນໝິງປະເທດຈີນຄັ້ງທີ 20 ຈະຈັດຂຶ້ນໃນເດືອນກໍລະກົດປີນີ້, ທຸກໂຄງການກໍ່ສ້າງໃນສວນກະສິກຳທັນສະໄຫມ ແລະ ປະສິດທິພາບສູງເມືອງໄຂຢວນກໍກຳລັງດຳເນີນການ, ເຊິ່ງສວນດັ່ງກ່າວເປັນຫນຶ່ງໃນສະຖານທີ່ຈັດກອງປະຊຸມ.

ສາມປີກ່ອນ, ສວນກະສິກຳທັນສະໄຫມ ແລະ ປະສິດທິພາບສູງເມືອງໄຂຢວນມີແຕ່ປູກເຂົ້າສາລີແລະເຂົ້ານາ, ຮອດປະຈຸບັນນີ້, ສວນແຫ່ງນີ້ມີວິສາຫະກິດປູກດອກໄມ້ແຫ່ງຊາດ ແລະ ວິສາຫະກິດທີ່ມີຊື່ສຽງໃນທົ່ວໂລກ 19 ແຫ່ງໄດ້ເຂົ້າມາປູກທີ່ສວນແຫ່ງນີ້, ເຊິ່ງປະກອບມີບໍລິສັດອັນຈູໂຮນລັງ (Anthura) ແລະ ບໍລິສັດຊີລູສີໂຮນລັງ (Schreurs). ໃນປະຈຸບັນ, ສວນກະສິກຳແຫ່ງນີ້ມີການລົງທຶນຈາກວິສາຫະກິດ 5 ແຫ່ງເຊິ່ງມີມູນຄ່າ 100 ລ້ານຢວນ ແລະ ມີຄັງດອກເບັນຈະມາດທີ່ໃຫຍ່ທີ່ສຸດໃນອາຊີ. ພ້ອມດຽວກັນນັ້ນ, “ສູນກາງປະດິດສ້າງໃໝ່ຂອງດອກໄມ້ແຂວງຢຸນນານ” ໄດ້ເຂົ້າສູ້ຂັ້ນຕົ້ນຂອງການກໍ່ສ້າງແລ້ວໂດຍມີການລົງທຶນ 16,7 ລ້ານຢວນ, ກວມເອົາເນື້ອທີ່ດິນ 200 ມູແລະຈະເປີດນຳໃຊ້ໃນທ້າຍເດືອນມິຖຸນາ.