ວັນທີ 3 ມິຖຸນານີ້, ຫ້ອງການຖະແຫຼງຂ່າວຂອງລັດຖະບານຈີນໄດ້ເປີດເຜີຍກາສັນຍະລັກກິດຈະກຳສະເຫຼີມສະຫລອງການສະຖາປະນາ ສປ ຈີນຄົບຮອບ 70 ປີ.
ກາສັນຍະລັກດັ່ງກ່າວຖືເອົາຕົວເລກ “70” , 5 ດາວແລະທ່ຽນອ່ານເມີນເຊິ່ງເປັນຕົວແທນຂອງຈີນໃນກາໝາຍແຫ່ງຊາດເປັນເນື້ອໃນຕົ້ນຕໍຂອງການອອກແບບ, ຕົວເລກ “70” ໄດ້ອອກແບບຄືເປີດໜ້າເຈ້ຍປະຫວັດສາດໜ້າໃໝ່, ເພື່ອສະທ້ອນໃຫ້ເຫັນສະພາບໃໝ່ອ່ຽມຂອງພາລະກິດຕ່າງໆຂອງພັກແລະລັດ, ມີຄວາມໝາຍວ່າພາຍໃຕ້ການນຳພາຂອງສູນກາງພັກກອມມູນິດຈີນທີ່ນຳໂດຍສະຫາຍສີຈິ້ນຜິງ, ສັງຄົມນິຍົມທີ່ມີສີສັນພິເສດຂອງຈີນໄດ້ກ້າວເຂົ້າສູ່ຍຸກໃໝ່, ປະຊາຊົນຈີນທຸກຄົນໄດ້ປະກອບສ່ວນແຕ້ມແຕ່ງປະຫວັດສາດໜ້າໃໝ່. ຮູບນອກຂອງຕົວເລກ “7” ທັງຄ້າຍຄືກັບໂບສີແດງທີ່ກຳລັງປິວສະບັດຢ່າງສະຫງ່າລາສີບວກກັບການອອກແບບຮູບ 5 ດາວແລະທ່ຽນອ່ານເມີນທີ່ເປັນຮູບມົນຄ້າຍຄືກັບວ່າກາສັນຍະລັກທີ່ມີຕົວເລກ 70, ທັງໃຫ້ຄວາມຮູ້ສຶກໄດ້ເຖິງຄວາມໜັກແໜ້ນດ້ານປະຫວັດສາດ, ແລະບັນຍາກາດອັນຄຶກຄື້ນຂອງການສະເຫຼີມສະຫຼອງອັນສຳຄັນຂອງຊາດ.