ເມື່ອບໍ່ດົນມານີ້, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ໃຫ້ທິດຊີ້ນຳສຳຄັນຕໍ່ວຽກງານຄັດແຍກປະເພດຂີ້ເຫຍື້ອ, ທ່ານເນັ້ນໜັກວ່າ, ການທີ່ດຳເນີນການຄັດແຍກປະເພດຂີ້ເຫຍື້ອ, ໄດ້ພົວພັນເຖິງສະພາບແວດລ້ອມການດຳລົງຊີວິດຂອງປະຊາຊົນ, ພົວພັນເຖິງການປະຢັດການນຳໃຊ້ຊັບພະຍາກອນ, ທັງເປັນການສ່ອງແສງໃຫ້ເຫັນລະດັບອາລະຍະທຳຂອງສັງຄົມທີ່ສຳຄັນອີກດ້ານໜຶ່ງ.
ທ່ານສີຈິ້ນຜິງ ຊີ້ໃຫ້ເຫັນວ່າ, ການທີ່ແນະນຳການຄັດແຍກປະເພດຂີ້ເຫຍື້ອ, ສິ່ງທີ່ສຳຄັນກໍຄືຕ້ອງເພີ່ມທະວີການຄວບຄຸມແບບວິທະຍາສາດ, ສ້າງກົນໄກໄລຍະຍາວ, ແລະສ້າງຄວາມຊິນເຄີຍ. ຄວນເພີ່ມທະວີການຊີ້ນຳ, ປະຕິບັດມາດຕະການທີ່ເໝາະກັບແຕ່ລະທ້ອງຖິ່ນ, ຊຸກຍູ້ມາດຕະການຢ່າງຕໍ່ເນື່ອງ, ປະຕິບັດວຽກງານໃຫ້ລະອຽດແລະເໝາະສົມຢູ່ຕະຫຼອດ. ຄວນປະຕິບັດວຽກງານການສຶກສາແລະຊີ້ນຳຢ່າງກວ້າງຂວາງ, ເຮັດໃຫ້ປະຊາຊົນທັງຫຼາຍຮູ້ຄວາມສຳຄັນແລະຄວາມຈຳເປັນທີ່ຕ້ອງຄັດແຍກແບ່ງປະເພດຂີ້ເຫຍື້ອ, ເຮັດໃຫ້ປະຊາຊົນມີຄວາມຊິນເຄີຍຫຼາຍກວ່າເກົ່າຕໍ່ກັບການຄັດແຍກປະເພດຂີ້ເຫຍື້ອ, ທົ່ວປວງຊົນພະຍາຍາມຮ່ວມກັນປຸງສະພາບແວດລ້ອມການລົງຊີວິດໃຫ້ດີຂຶ້ນ, ຮ່ວມກັນປະກອບສ່ວນເຂົ້າໃນການພັດທະນາແບບສີຂຽວແລະຍືນຍົງ.