ໃນງານວາງສະເເດງສິນຄ້າອາຊີໃຕ້-ອາຊີຕາເວັນອອກສຽງໃຕ້ ເເລະ ກອງປະຊຸມປຶກສາຫາລືດ້ານການຄ້າການລົງທຶນປີ 2019 ໄດ້ເປີດຂຶ້ນໃນມື້ນີ້
ໃນງານວາງສະເເດງສິນຄ້າອາຊີໃຕ້-ອາຊີຕາເວັນອອກສຽງໃຕ້ ເເລະ ກອງປະຊຸມປຶກສາຫາລືດ້ານການຄ້າການລົງທຶນປີ 2019 ຈັດຂຶ້ນທີ່ນະຄອນຄຸນຫມິງໄດ້ເປີດຂຶ້ນຢູ່ສູນກາງງານວາງສະແດງສາກົນຕ່ຽນຊີ່ນະຄອນຄຸນໝິງໃນວັນທີ 12-18 ມິຖຸນາ.
ການຈັດວາງຫໍວາງສະແດງໃນໃນງານວາງສະເເດງສິນຄ້າອາຊີໃຕ້-ອາຊີຕາເວັນອອກສຽງໃຕ້ ເເລະ ກອງປະຊຸມປຶກສາຫາລືດ້ານການຄ້າການລົງທຶນປີ 2019 ມີຈຸດພົ້ນເດັ່ນຫລາຍຂຶ້ນ, ການສຳຜັດປະສົບການດ້ານເສດຖະກິດດິຈິຕອນ ແລະ ເຕັກນິກອິນເຕີເນັດ 5G ຈະມີສີສັນຍິ່ງຂຶ້ນ.ງານວາງສະແດງຄັ້ງນີ້ຈະມີສີ່ການປ່ຽນແປງທີ່ສໍາຄັນ, ເຊິ່ງກໍຄືດ້ານປັນຍາ, ສິ່ງແວດລ້ອມສີຂຽວ, ຄວາມເປັນສາກົນ, ແລະຍີ່ຫໍ້.ງານຄັ້ງນີ້ພາຍໃຕ້ຫົວຂໍ້: “ເຕົ້າໂຮມກັນສູ່ແນວໜ້າຂອງການເປີດປະຕູສູ່ພາຍນອກ, ພ້ອມກັນສ້າງສູນກະຈາຍການພັດທະນາ, ພ້ອມກັນຊົມໃຊ້ຄວາມຈະເລີນຮຸ່ງເຮືອງແລະການພັດທະນາ”.
ໃນງານວາງສະເເດງສິນຄ້າອາຊີໃຕ້-ອາຊີຕາເວັນອອກສຽງໃຕ້ ເເລະ ກອງປະຊຸມປຶກສາຫາລືດ້ານການຄ້າການລົງທຶນປີ 2019 ຄັ້ງນີ້ປະເທດຫົວຂໍ້ຕົ້ນຕໍແມ່ນປະເທດສີລັງກາ,ປະເທດທີ່ເປັນແຂກຕົ້ນຕໍແມ່ນປະເທດກຳປູເຈຍ. ງານຄັ້ງນີ້ມີຫໍວາງສະແດງ 17 ຫໍ,ເຊິ່ງລວມມີ:ຫໍອາຫານສີຂຽວ,ຫໍອາຊີຕາເວັນອອກສຽງໃຕ້(ມີ 2ຫໍ),ຫໍອາຊີໃຕ້(ມີ 2ຫໍ),ຫໍຕ່າງປະເທດ,ຫໍການທ່ອງທ່ຽວແລະວັດທະນະທຳ,ຫໍວັດທະນະທຳໄມ້ແລະອື່ນໆ.
ງານວາງສະແດງຄັ້ງນີ້ມີ 74 ປະເທດ, ເຂດແຄວ້ນ ແລະອົງການຈັດຕັ້ງສາກົນເຂົ້າຮ່ວມ,ມີຮ້ານວາງສະແດງມາດຕະຖານປະມານ 7500 ຮ້ານ.ເນື້ອທີ່ໃນການວາງສະແດງປະມານ 170000 ຕາແມັດ, ງານວາງສະເເດງຄັ້ງນີ້ມີຫໍທີ່ໄດ້ຮັບການກໍ່ສ້າງເປັນຫໍທຳອິດຄື: ຫໍການຮ່ວນມືການລົງທຶນ“ໜຶ່ງແລວ ໜຶ່ງເສັ້ນທາງ”,ຫໍພະລັງງານສີຂຽວ,ຫໍຜະລິດຕະພັນນິເວດປ່າໄມ້ແລະເຂດວາງສະແດງດິຈິຕອນຢຸນນານ.ນອກນີ້, ໃນໄລຍະຈັດງານວາງສະແດງ ຍັງຈະມີກິດຈະກຳຕ່າງໆເຊັ່ນ: “ເວທີປຶກສາຫາລືການຮ່ວມມືຈີນ-ອາຊີໃຕ້”, “ເວທີປຶກສາຫາລືການຄ້າຈີນ-ອາຊີໃຕ້”, “ເວທີປຶກສາຫາລືການສຶກສາອາຊີໃຕ້ແລະອາຊີຕາເວັນອອກສຽງໃຕ້”, ແລະ “ສັບປະດາສິລະປະອາຊີໃຕ້-ອາຊີຕາເວັນອອກສຽງໃຕ້”.