ກອງປະຊຸມການຄ້າແລະການພັດທະນາອົງການສະຫະປະຊາຊາດທີ່ມີສຳນັກງານໃຫຍ່ຕັ້ງຢູ່ນະຄອນເຊີແນວເປີດເຜີຍ “ບົດລາຍງານການລົງທຶນໂລກປີ 2019” ໃນວັນທີ 12 ມິຖຸນານີ້ສະແດງໃຫ້ເຫັນວ່າ, ການລົງທຶນຕ່າງປະເທດໂດຍກົງທົ່ວໂລກໃນປີ 2018 ໄດ້ຫຼຸດລົງເປັນ 3 ປີລຽນຕິດ, ແຕ່ຍອດຈຳນວນການດຶງດູດການລົງທຶນຕ່າງປະເທດຂອງຈີນພັດເພີ່ມຂຶ້ນ ແລະ ເປັນປະເທດດຶງດູດການລົງທຶນຂອງຕ່າງປະເທດຫຼາຍເປັນອັນດັບ 2 ຂອງໂລກລຽນຕິດ.
ບົດລາຍງານສະແດງໃຫ້ເຫັນວ່າ, ຍອດຈຳນວນການດຶງດູດການລົງທຶນຕ່າງປະເທດຂອງຈີນໃນປີ 2018 ໄດ້ເພີ່ມຂຶ້ນເກືອບ 4%, ມີເຖິງ 139 ຕື້ໂດລາສະຫະລັດ ແລະ ສືບຕໍ່ເປັນປະເທດດຶງດູດການລົງທຶນຕ່າງປະເທດຫຼາຍເປັນອັນດັບ 2 ຂອງໂລກລຽນຕິດ. ບົດລາຍງານຄາດຄະເນວ່າ, ປີ 2019, ການລົງທຶນຕ່າງປະເທດຂອງທົ່ວໂລກອາດຈະເພີ່ມຂຶ້ນປະມານ 10% ແລະ ອາດບັນລຸເຖິງ 1500 ກວ່າຕື້ໂດລາສະຫະລັດ, ແຕ່ຍັງຕ່ຳກວ່າລະດັບສະເລ່ຍຂອງ 10 ປີຜ່ານມາ. ອາເມຣິກາຍັງເປັນປະເທດທີ່ດຶງດູດການລົງທຶນຈາກຕ່າງປະເທດຫຼາຍທີ່ສຸດໃນໂລກ.