ກ່ອນທີ່ທ່ານ ສີຈິ້ນຜິງ ປະທານປະເທດຈີນຈະເດີນທາງໄປຢ້ຽມຢາມຕັດຊີກີສະຖານທາງລັດຖະກິດ ແລະ ເຂົ້າຮ່ວມກອງປະຊຸມສຸດຍອດກ່ຽວກັບມາດຕະການໃນການປະສານງານແລະການສ້າງຄວາມໄວ້ເນື້ອເຊື່ອໃຈກັນໃນອາຊີທີ່ຈັດຂຶ້ນຢູ່ຕັດຊີກີສະຖານ, ພິທີພິມຈຳໜ່າຍປຶ້ມ “ສີຈິ້ນຜິງວ່າດ້ວຍການປົກຄອງປະເທດແລະການຄຸ້ມຄອງລັດ” ເຫຼັ້ມທຳອິດສະບັບພາສາຕັດຊີ ແລະ ກອງປະຊຸມສຳມະນາການປົກຄອງປະເທດແລະການຄຸ້ມຄອງລັດຈີນ-ຕັດຊີກີສະຖານໄດ້ຈັດຂຶ້ນຢູ່ນະຄອນຫຼວງດູຊັນແບປະເທດຕັດຊີກີສະຖານ.
ທ່ານ ເອໂມມາລີ ຣັກໂມນອຟ ປະທານາທິບໍດີຕັດຊີກີສະຖານໄດ້ສົ່ງສານຊົມເຊີຍຕໍ່ການພິມຈຳໜ່າຍຄັ້ງນີ້ ໂດຍຊີ້ໃຫ້ເຫັນວ່າ, ການພິມຈຳໜ່າຍປຶ້ມ “ສີຈິ້ນຜິງວ່າດ້ວຍການປົກຄອງປະເທດແລະຄຸ້ມຄອງລັດ” ເຫຼັ້ມທຳອິດສະບັບພາສາຕັດຊີ ຈະຊ່ວຍໃຫ້ຜູ້ອ່ານຕັດຊີກີສະຖານເຂົ້າໃຈຈີນໄດ້ດີກວ່າເກົ່າ, ເຂົ້າໃຈຕໍ່ແນວຄິດການປົກຄອງປະເທດແລະການຄຸ້ມຄອງລັດຂອງທ່ານປະທານສີຈິ້ນຜິງ ແລະ ເສັ້ນທາງແຫ່ງການພັດທະນາຂອງຈີນ. ຕັດຊີກີສະຖານພວມກະກຽມເພື່ອຕ້ອນຮັບການຢ້ຽມຢາມທາງລັດຖະກິດຂອງທ່ານສີຈິ້ນຜິງ ແລະ ເຂົ້າຮ່ວມກອງປະຊຸມສຸດຍອດດັ່ງກ່າວ, ເຊື່ອວ່າ, ການຢ້ຽມຢາມຄັ້ງນີ້ຈະເປັນການເພີ່ມພະລັງແຮງໃໝ່ສຳລັຕັດຊີກີສະຖານແລະຈີນທີ່ເປັນປະເທດບ້ານໃກ້ເຮືອນຄຽງທີ່ມີໄມຕີຈິດມິດຕະພາບທີ່ດີຕໍ່ກັນນັ້ນຍິ່ງຈະໄດ້ຮັບການປັບປຸງແລະເປີດກວ້າງການຮ່ວມມືໃນທຸກຂົງເຂດ.