ທ່ານ ສີຈິ້ນຜິງ ຮັບຫຼຽນມານັສລະດັບ 1 ຂອງກຽກກິດສະຖານ
ວັນທີ 13 ມິຖຸນານີ້ ຢູ່ນະຄອນຫຼວງບິສເຄັກປະເທດກຽກກິດສະຖານ, ທ່ານ ສີຈິ້ນຜິງ ປະທານປະເທດຈີນໄດ້ເຂົ້າຮ່ວມພິທີປະດັບຫຼຽນມານັສລະດັບ 1 ທີ່ທ່ານ ຊູຣອນເບ ຈີນເບຄອຟ ປະທານາທິບໍດີກຽກກິດສະຖານໃຫ້ກຽດປະດັບໃຫ້ທ່ານ ສີຈິ້ນຜິງ.
ຫຼຽນ “ມານັສ” ແມ່ນຫຼຽນລະດັບສູງສຸດແຫ່ງຊາດກຽກກິດສະຖານ, ເຊິ່ງຈະປະດັບໃຫ້ບຸກຄົນສຳຄັນໂດຍປະທານາທິບໍດີກຽກກິດສະຖານແລະແບ່ງອອກເປັນ 3 ລະດັບ, ລະດັບ 1 ເປັນລະດັບສູງສຸດ.
ທ່ານ ຊູຣອນເບ ຈີນເບຄອຟ ໄດ້ສະແດງຄວາມຂອບໃຈຕໍ່ທ່ານ ສີຈິ້ນຜິງ ທີ່ໄດ້ປະກອບສ່ວນເປັນພິເສດເພື່ອຊຸກຍູ້ການຂະຫຍາຍສາຍພົວພັນຄູ່ຮ່ວມຍຸດທະສາດຮອບດ້ານກຽກກິດສະຖານ-ຈີນ, ໂດຍກ່າວວ່າ, ກຽກກິດສະຖານຈະບໍ່ຫຼົງລືມການສະໜັບສະໜູນແລະຄວາມຊ່ວຍເຫຼືອອັນລ້ຳຄ່າຂອງຈີນໃນໄລຍະຜ່ານມາແລະເຊື່ອວ່າ, ການຢ້ຽມຢາມຄັ້ງນີ້ຂອງທ່ານປະທານ ສີຈິ້ນຜິງ ຈະເປັນການຂຽນປະຫວັດສາດໜ້າໃໝ່ສາຍພົວພັນກຽກກິດສະຖານ-ຈີນ.