ຕາມຂ່າວສານຊີນຮວາ: ກ່ອນເດີນທາງໄປຢ້ຽມຢາມສປປເກົາຫຼີທາງລັດຖະກິດ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນໄດ້ຂຽນບົດຄວາມທີ່ພາດຫົວຂໍ້ວ່າ “ສືບທອດມິດຕະພາບຈີນ-ສປປເກົາຫຼີ, ຂຽນປະຫວັດສາດໜ້າໃໝ່ໃນຍຸກໃໝ່” ລົງໃນໜັງສືພິມ ໂຣດົງຊິມມູນເກົາຫຼີແລະສື່ມວນຊົນຫຼັກຕ່າງໆຂອງສປປເກົາຫຼີ.
ບົດຄວາມຊີ້ອອກວ່າ, ປີນີ້ແມ່ນປີທີ່ຈີນ-ສປປເກົາຫຼີສ້າງຕັ້ງສາຍພົວພັນທາງການທູດຄົບຮອບ 70 ປີ. ໃນຖານະທີ່ເປັນສະຫາຍທີ່ດີ, ເພື່ອນບ້ານທີ່ດີ, ບໍ່ວ່າສະຖານະການສາກົນຈະຜົນແປໄປແນວໃດກໍຕາມ, ຫຼັກໝັ້ນອັນໝັ້ນແກ່ນໃນການສົ່ງເສີມການພັດທະນາສາຍພົວພັນຮ່ວມມືບົນຈິດໃຈມິດຕະພາບລະຫວ່າງຈີນ-ສປປເກົາຫຼີຂອງພັກແລະລັດຖະບານຈີນບໍ່ເຄີຍປ່ຽນແປງແລະຈະບໍ່ປ່ຽນແປງ ຕະຫຼອດການ, ຝ່າຍຈີນຈະສະໜັບສະໜູນທ່ານປະທານກິມເຈິງອຸນ ນຳພາພັກແລະປະຊາຊົນສປປເກົາຫຼີ ປະຕິບັດ ແນວທາງຍຸດທະສາດໃໝ່, ສຸມກຳລັງເຂົ້າໃນການພັດທະນາເສດຖະກິດ, ປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ, ຊຸກຍູ້ການສ້າງສາສັງຄົມນິຍົມຂອງສປປເກົາຫຼີໃຫ້ໄດ້ຮັບຜົນສຳເລັດໃໝ່ໃຫຍ່ຫຼວງກວ່າເກົ່າ.
ບົດຄວາມຍັງເນັ້ນໜັກວ່າ, ໂດຍພາຍໃຕ້ການຊຸກຍູ້ແລະນຳພາຈາກຂ້າພະເຈົ້າແລະປະທານກິມເຈິງອູນ, ການພົວພັນຈີນ-ສປປເກົາຫລີ ທີ່ພັດທະນາມາໄດ້70 ປີຢ່າງສະຫງ່າງາມນັ້ນຈະຢືນຢູ່ຈຸດເລີ່ມຕົ້ນປະຫວັດສາດອີກຄັ້ງໃໝ່. ຂ້າພະເຈົ້າຍິນດີຖືເອົາການຢ້ຽມຢາມຄັ້ງນີ້, ຮ່ວມກັບທ່ານກິມເຈິງອູນແລະສະຫາຍການນຳຂອງສປປເກົາຫລີ, ວາງແຜນການພັດທະນາສາຍພົວພັນການຮ່ວມມືບົນຈິດໃຈມິດຕະພາບຈີນ-ສປປເກົາຫຼີ ເພື່ອຂຽນປະຫວັດສາດໜ້າໃໝ່ແຫ່ງມິດຕະພາບອັນເປັນມູນເຊື້ອຈີນ-ສປປເກົາຫຼີ.