ງານລາຕີຕ້ອນຮັບວັນຊາດຄົບຮອບ 70 ປີແລະສະເໝີມສະຫຼອງຮົງກົງກັບຄືນສູ່ປະເທດຊາດຄົບຄອບ 22 ປີ ໄດ້ຈັດຂຶ້ນຢູ່ຮົງກົງໃນຕອນຄ່ຳວັນທີ 29 ມິຖຸນາຜ່ານມາ ໂດຍສະຫະພັນວົງການຕ່າງໆຂອງຮົງກົງ.
ທ່ານ ລິວຈ່ຽງຮວາ ຫົວໜ້າພະແນກວຽກງານປະຊາສົງເຄາະຂອງອົງການປົກຄອງເຂດບໍລິຫານພິເສດຮົງກົງ ໄດ້ກ່າວຄຳປາໄສໃນງານດັ່ງກ່າວວ່າ: ພາຍຫຼັງຮົງກົງກັບຄືນສູ່ປະເທດຊາດແລ້ວ ໄດ້ຈັດຕັ້ງປະຕິບັດນະໂຍບາຍ “ປະເທດດຽວສອງລະບອບ” ຢ່າງສຳເລັດຜົນ, ແລະໄດ້ຮັກສາຄວາມໝັ້ນທ່ຽງໃນດ້ານເສດຖະກິດ, ຊີວິດການເປັນຢູ່ຂອງປະຊາຊົນກໍໄດ້ຮັບການປັບປຸງໃຫ້ດີຂຶ້ນຢ່າງບໍ່ຢຸດຢັ້ງພາຍໃຕ້ການສະໜັບສະໜູນຂອງປະເທດຊາດ. ງານລາຕີຄັ້ງນີ້ ຈັດໂດຍພະແນກຕົນ, ແມ່ນກິດຈະກຳທີ່ສຳຄັນເພື່ອສະເຫຼີມສະຫຼອງຮົງກົງກັບຄືນສູ່ປະເທດຊາດ, ແລະເນື່ອງໃນໂອກາດວັນສະຖາປະນາປະເທດຊາດຄົບຮອບ 70 ປີ, ຫວັງຢ່າງຍິ່ງວ່າ ວົງການຕ່າງໆຈະຮ່ວມກັນປະກອບສ່ວນເພື່ອອະນາຄົດຂອງປະເທດຊາດ ກໍຄືຂອງຮົງກົງໃຫ້ຫຼາຍກວ່າເກົ່າ.
ໃນມື້ດຽວກັນ, ຄະນະຈັດຕັ້ງງານລາຕີໄດ້ເຊື້ອເຊີນວົງການສິລະປະຕ່າງໆໄປສະແດງລາຍການທີ່ຍອດຍິ່ງໜ້າຊົມໃຫ້ແກ່ຜູ້ຊົມເກືອບ 2.500 ຄົນ ທ່າມກາງບັນຍາກາດອັນອົບອຸ່ນເພື່ອສະເຫຼີມສະຫຼອງຮົງກົງກັບຄືນສູ່ປະເທດຊາດຄົບຮອບ 22 ປີແລະຕ້ອນຮັບວັນຊາດຄົບຮອບ 70 ປີ.