ກອງປະຊຸມເວທີປຶກສາຫາລືດາວົສລະດູຮ້ອນຄັ້ງທີ 13 ທີ່ຈັດຂຶ້ນຢູ່ນະຄອນຕ້າລຽນ ແຫ່ງ ສປ ຈີນ ໄດ້ສຳເລັດຕາມວາລະ ແລະ ໄດ້ອັດລົງໃນວັນທີ 3 ກໍລະກົດນີ້.
ກອງປະຊຸມຄັ້ງນີ້ທີ່ມີຫົວຂໍ້ວ່າ “ກຳລັງນຳພາ 4,0: ຊ່ອງທາງສູ້ຄວາມສຳເລັດໃນຍຸກໂລກາພິວັດ” ເຊິ່ງໄດ້ຈັດກອງປະຊຸມຍ່ອຍ 200 ກວ່າຄັ້ງ ເຊັ່ນ: ກອງປະຊຸມສົນທະນາລະຫວ່າງນັກທຸລະກິດ, ງານລາຕີວັດທະນະທຳ, ກອງປະຊຸມສະເພາະຕ່າງໆ ເປັນຕົ້ນ ເຊິ່ງໄດ້ດຶງດູດບຸກຄົນທີ່ມີຊື່ສຽງໃນວົງການການເມືອງແລະການຄ້າ, ຜູ້ຊ່ຽວຊານນັກວິຊາການ ແລະ ສື່ມວນຊົນ 2000 ກວ່າຄົນຈາກ 90 ກວ່າປະເທດແລະເຂດແຄວ້ນເຂົ້າຮ່ວມ ໂດຍໄດ້ດຳເນີນໄປເປັນເວລາ 3 ວັນ, ໃນກອງປະຊຸມໄດ້ປຶກສາຫາລືກ່ຽວກັບຫົວຂໍ້ສຳຄັນຕ່າງໆ ເຊັ່ນ: 5G, ໂລກາພິວັດ, ອັດສະລິຍະ, ການປ່ຽນແປງຂອງດິນຟ້າອາກາດ, ລົດບໍ່ມີຄົນຂັບ ແລະ ຫົວຂໍ້ອື່ນໆ.
ຫົວຂໍ້ຕ່າງໆກ່ຽວກັບຈີນ ເຊັ່ນ: ອະນາຄົດຂອງເສດຖະກິດຈີນ, ນະໂຍບາຍໃໝ່ຂອງຈີນທີ່ມີຕໍ່ວິສາຫະກິດຕ່າງປະເທດ, ການປ່ຽນແປງຮູບແບບການພັດທະນາຂອງເງິນທຶນຈີນ ເປັນຕົ້ນຍັງແມ່ນຫົວຂໍ້ສຳຄັນໃນກອງປະຊຸມຄັ້ງນີ້, ຈີນໄດ້ສົ່ງສັນຍານໃນການຈະເປີດກວ້າງການເປີດປະຕູສູ່ພາຍນອກ ແລະ ຍຶດໝັ້ນການປະຕິຮູບໂດຍໄດ້ຮັບສຽງຕອບຮັບຢ່າງກວ້າງຂວາງ, ແຂກຜູ້ມີກຽດທີ່ເຂົ້າຮ່ວມກອງປະຊຸມໄດ້ມີຄວາມໝັ້ນໃຈຢ່າງເຕັມປ່ຽມ ກຳລັງຊຸກດັນຂອງຈີນ ແລະ ແຜນການຂອງຈີນທີ່ໄດ້ປະກອບສ່ວນຕໍ່ການພັດທະນາເສດຖະກິດໂລກ.