ບົດລາຍງານຫຼ້າສຸດທີ່ກົມສະຖິຕິແຫ່ງຊາດຈີນເປີດເຜີຍໄດ້ສະແດງໃຫ້ເຫັນວ່າ, ຕະຫຼອດໄລຍະສະຖາປະນາ ສປ ຈີນ 70 ປີມານີ້, ລາຍຮັບຂອງພົນລະເມືອງຈີນໄດ້ເພີ່ມຂຶ້ນຢ່າງຕໍ່ເນື່ອງ ແລະ ລະດັບການບໍລິໂພກກໍສູງຂຶ້ນເລື້ອຍໆ. ຊີວິດການເປັນຢູ່ຂອງປະຊາຊົນຈີນຈາກໄລຍະຂາດເຂີນອຶດຫິວໄດ້ກ້າວເຂົ້າສູ່ໄລຍະອີ່ມໜຳສຳລານໂດຍລວມ ແລະ ພວມກ້າວໄປສູ່ໄລຍະອີ່ມໜຳສຳລານຢ່າງຮອບດ້ານ. ບົດລາຍງານສະແດງໃຫ້ເຫັນວ່າ, ລາຍຮັບສະເລ່ຍຕໍ່ຫົວຄົນຂອງຈີນໃນປີ 2018 ໄດ້ບັນລຸ 9.732 ໂດລາສະຫະລັດ, ສູງກວ່າລະດັບສະເລ່ຍຂອງປະເທດທີ່ມີລາຍຮັບປານກາງ. ລາຍຈ່າຍດ້ານການບໍລິໂພກສະເລ່ຍຕໍ່ຫົວຄົນແມ່ນ 19.853 ຢວນ, ເພີ່ມຂຶ້ນ 19,2 ເທົ່າເມື່ອທຽບໃສ່ປີ 1978.
ນອກນີ້, ຕົວເລກຍັງໄດ້ສະແດງໃຫ້ເຫັນວ່າ, ອັດຕາການປະກອບສ່ວນຂອງການບໍລິໂພກຕໍ່ການເຕີບໂຕຂອງ GDP ໃນປີ 2018ແມ່ນ 76,2%, ເພີ່ມຂຶ້ນ 18,6% ເມື່ອທຽບໃສ່ປີ 2017, ການບໍລິໂພກນັບມື້ນັບກາຍເປັນກຳລັງຕົ້ນຕໍທີ່ຊຸກຍູ້ການເຕີບໂຕດ້ານເສດຖະກິດຈີນ.