ງານສຳມະນາທິດສະດີພັກກອມມູນິດຈີນແລະພັກປະຊາຊົນປະຕິວັດລາວຄັ້ງທີ 8 ໄດ້ຈັດຂຶ້ນຢູ່ນະຄອນເຊ້ຍເມີນແຂວງຟູຈ້ຽນ ສປ ຈີນໃນວັນທີ 9 ກໍລະກົດນີ້, ໂດຍເນັ້ນຫົວຂໍ້ “ກົດເກນແຫ່ງການສ້າງສັງຄົມນິຍົມທັນສະໄໝຂອງສອງປະເທດຈີນ-ລາວ”. ທ່ານຫວງຄຸນມິງ ກຳມະການກົມການເມືອງສູນກາງພັກກອມມູນິດຈີນ, ເລຂາຄະນະເລຂາທິການສູນກາງພັກ, ທັງເປັນຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ, ທ່ານ ຈັນສີ ໂພສີຄຳ ກຳມະການກົມການເມືອງສູນກາງພັກ, ເລຂາຄະນະເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກປະຊາຊົນປະຕິວັດລາວແລະ ທ່ານ ສຈ ປອ ກິແກ້ວ ໄຂຄໍາພິທູນ ເລຂາທິການສູນກາງພັກ ຫົວໜ້າ ຄະນະໂຄສະນາອົບຮົມສູນກາງພັກປະຊາຊົນປະຕິວັດລາວໄດ້ເຂົ້າຮ່ວມພິທີເປີດປະຊຸມ.
ກ່ອນຈັດງານສຳມະນາດັ່ງກ່າວ, ທ່ານຫວງຄຸນມິງໄດ້ພົບປະກັບທ່ານຈັນສີ ໂພສີຄຳ ແລະທ່ານກິແກ້ວ ໄຂຄໍາພິທູນ, ເພື່ອແລກປ່ຽນຄວາມຄິດເຫັນຢ່າງເລິກເຊິ່ງກ່ຽວກັບການປະຕິບັດຄວາມຮັບຮູ້ທີ່ເປັນເອກະພາບກັນສຳຄັນຂອງເລຂາທິການໃຫຍ່ຂອງສອງພັກ, ແລະການຊຸກຍູ້ການສ້າງຄູ່ຮ່ວມຊາຕາກຳຈີນ-ລາວແລະບັນຫາອື່ນໆ.