ຕາມຂ່າວສານຈີນ: ວັນທີ 1 ສິງຫານີ້, ກອງປະຊຸມຂະແໜງການບັນເທິງດີຈີຕອນສາກົນຈີນຄັ້ງທີ 17 ໄດ້ຈັດຂຶ້ນຢູ່ນະຄອນຊຽງໄຮ້, ກອງປະຊຸມໄດ້ຖະແຫຼງ “ບົດລາຍງານຂະແໜງການເກມຂອງຈີນແຕ່ເດືອນມັງກອນຫາມິຖຸນາ2019”. ບົດລາຍງານສະແດງໃຫ້ເຫັນວ່າ, ໃນ 6 ເດືອນຕົ້ນປີນີ້, ໃນຕະຫຼາດເກມຂອງຈີນ, ມີລາຍໄດ້ການຈຳໜ່າຍ 114,02 ຕື້ຢວນ, ເພີ່ມຂຶ້ນຫຼາຍກວ່າເວລາດຽວກັນຂອງປີກາຍ 8,6%; ໃນນັ້ນ, ເກມເຄື່ອນທີ່ບັນລຸລາຍໄດ້ການຈຳໜ່າຍ 77,07 ຕື້ຢວນ, ເພີ່ມຂຶ້ນຫຼາຍກວ່າເວລາດຽວກັນຂອງປີກາຍ 21,5%; ສຳລັບເກມທີ່ຈີນຄົ້ນຄວ້າຜະລິດເອງ, ລາຍໄດ້ການຈຳໜ່າຍຢູ່ຕ່າງປະເທດໄດ້ບັນລຸເຖິງ 5.57ຕື້ໂດລາສະຫະລັດ, ເພີ່ມຂຶ້ນຫຼາຍກວ່າເວລາດຽວກັນຂອງປີກາຍ 20,2%. ນັບມາຮອດເດືອນມິຖຸນາ 2019, ຜູ້ຫຼີ້ນເກມຢູ່ຈີນໄດ້ທະລຸ 640 ລ້ານຄົນ, ເພີ່ມຂຶ້ນຫຼາຍກວ່າເວລາດຽວກັນຂອງປີກາຍ 5,9%.