ຕາມຂ່າວສານຊີນຮວາ: ກຸ່ມບໍລິສັດທາງລົດໄຟຈີນຄຸນມິງຈຳກັດລາຍງານໃຫ້ຮູ້ວ່າ: ຂົວຂະໜາດໃຫຍ່ສຸດການຫຼານປ້າ ເຊິ່ງເປັນຂົວຍາວກວ່າໝູ່ຕອນພາຍໃນປະເທດຈີນຂອງເສັ້ນທາງລົດໄຟຈີນ-ລາວທີ່ກຸ່ມບໍລິສັດທາງລົດໄຟຈີນເລກ 22 ຮັບເໝົາກໍ່ສ້າງນັ້ນ ໄດ້ສຳເລັດການເຊື່ອມຕໍ່ກັນແລ້ວຢ່າງສະດວກໃນວັນທີ 6 ສິງຫານີ້.
ຂົວຂະໜາດໃຫຍ່ສຸດການຫຼານປ້າ ຕັ້ງຢູ່ເມືອງຊຽງຮຸ່ງແຂວງຢຸນນານ, ຍາວ 3,5 ກິໂລແມັດ, ມີເສົາ 108 ເສົາ, ເລີ່ມກ່າຍຂົວໃນທ້າຍເດືອນມີນາປີນີ້. ການເຊື່ອມຕໍ່ຂົວສຳເລັດໄດ້ສ້າງເງື່ອນໄຂໃຫ້ແກ່ການກໍ່ສ້າງພື້ນຖານໂຄງລ່າງທີ່ປະກອບມີຂົວແລະການວາງລາງລົດໄຟ.
ມາຮອດ 6 ເດືອນຕົ້ນປີນີ້, ເສັ້ນທາງລົດໄຟລາວຈີນຕອນເມືອງຢູ້ຊີ່ຫາບໍ່ຫານ ໄດ້ສຳເລັດການລົງທຶນໄປແລ້ວ 60%, ຂົວສຳເລັດ 73%, ອຸມົງສຳເລັດ65%. ເມື່ອເສັ້ນທາງນີ້ສຳເລັດແລ້ວ, ການເດີນທາງແຕ່ຄຸນມີງຫາຊຽງຮຸ່ງໃຊ້ເວລາພຽງແຕ່ 3 ຊົ່ວໂມງເທົ່ານັ້ນ, ແຕ່ຄຸນມິງຫາວຽງຈັນແມ່ນອອກເດີນທາງແຕ່ເຊົ້າ, ຕອນແລງກໍ່ຈະຮອດ.