ແອັບວິແຊັດໄດ້ເປີດນຳໃຊ້ຢູ່ຕາມດ່ານພາສີນະຄອນກວາງໂຈ່ວໃນວັນທີ 12 ສິງຫານີ້.ຕາມຂ່າວແຈ້ງວ່າ, ນີ້ແມ່ນແອັບວິແຊັດຄັ້ງທຳອິດທີ່ໃຊ້ຢູ່ໃນດ່ານພາສີຈີນສຳລັບສ່ວນບຸກຄົນເຂົ້າອອກເມືອງ ເຊິ່ງເປັນການທົດລອງໃໝ່ສຳລັບດ່ານພາສີນະຄອນກວາງໂຈ່ວໃນການປະດິດສ້າງໃໝ່ຮູບແບບການບໍລິການ “ອິນເຕີເນັດ+” ແລະ ຕິດຕາມຄຸ້ມຄອງເຄື່ອງຂອງສ່ວນບຸກຄົນທີ່ເຂົ້າອອກເມືອງແບບອັດສະລິຍະ.
ເຈົ້າໜ້າທີ່ດ່ານພາສີນະຄອນກວາງໂຈ່ວໃຫ້ຮູ້ວ່າ, ແອັບດັ່ງກ່າວໄດ້ຈັດໃຫ້ມີຄຳແຈ້ງເຕືອນ, ຖານຂໍ້ມູນວັດຖຸເຄື່ອງຂອງ, ການຄິດໄລ່ເງິນເສຍພາສີແບບອັດຕະໂນມັດ ແລະ ການຖ່າຍຮູບຈຳແນກ OCR ເປັນຕົ້ນ ເຊິ່ງໄດ້ຫຼຸດເວລາການແຈ້ງດ່ານສ່ວນບຸກຄົນໃຫ້ໜ້ອຍລົງ. ອີງຕາມສະພາບໃນໄລຍະທົດລອງ, ສະເລ່ຍແລ້ວ, ເວລາແຈ້ງດ່ານຂອງແຕ່ລະຄົນຈາກ 10 ກວ່ານາທີໃນເມື່ອກ່ອນຫຼຸດລົງຕ່ຳກວ່າ 5 ນາທີໃນປັດຈຸບັນ