ໃນຕອນເຊົ້າ 9 ໂມງເຄິ່ງ ຂອງວັນທີ 20 ສິງຫາ, ກຳປັ່ນປະຕິບັດກົດໝາຍ 4 ລຳທີ່ສົ່ງອອກມາຮ່ວມກັນໂດຍປະເທດຈີນ ແລະ ປະເທດມຽນມາ,ໄດ້ເລີ່ມຕົ້ນການເດີນເຮືອຢູ່ທ່າເຮືອຈິງຮາ ແມ່ນ້ຳລ້ານຊ້າງ ກິ່ງແຂວງປົກຄອງຕົນເອງຊົນເຜົ່າໄທລື້ສີບສອງພັນນາ,ກິດຈະກຳຮ່ວມກັນຄັ້ງນີ້ຈະສືບຕໍ່ເປັນເວລາ 4 ມື້ 3 ຄືນ,ພາລະກິດການຮ່ວມລາດຕະເວນ ແລະ ປະຕິບັດກົດໝາຍທີ່ແມ່ນໍ້າຂອງລະຫວ່າງປະເທດຈີນ, ລາວ, ມຽນມາ ແລະ ໄທຄັ້ງທີ 85 ໄດ້ລິເລີ່ມຂຶ້ນ.
ເຈົ້າໜ້າທີ່ຫ້ອງການຖະແຫຼງຂ່າວພະແນກປ້ອງກັນຄວາມສະຫງົບແຂວງຢຸນນານຈີນໃຫ້ຮູ້ວ່າ, ການເຄື່ອນໄຫວຄັ້ງນີ້ລວມມີການລາດຕາເວນເປັນຕອນ ແລະ ການລາດຕະເວນທັງໝົດຕາມລຳແມ່ນ້ຳຂອງຕາມທີ່ໄດ້ກຳນົດ. ໃນໄລຍະການເຄື່ອນໄຫວ, ກອງລາດຕະເວນປະຕິບັດກົດໝາຍຈະຮ່ວມກັນກວດກາສະພາບການ, ຮ່ວມກັນລົງຢ້ຽມຢາມປະຊາຊົນ ແລະ ໂຄສະນາການປາບປາມຢາເສບຕິດຢູ່ບ້ານຊຽງກົກ, ບ້ານມອມ ແລະ ເຂດສາມຫຼ່ຽມຄຳ ພ້ອມທັງຈັດຕັ້ງເຈົ້າໜ້າທີ່ປະຕິບັດກົດໝາຍຖອດຖອນບົດຮຽນການລ່ອງເຮືອດ້ວຍຄວາມປອດໄພ ຍ້ອນມີອຸບັດເຫດກຳປັ່ນເກີດຂຶ້ນເລື້ອຍໆໃນໄລຍະນ້ຳຂຶ້ນ. ນອກນີ້, ຍັງຈະໄດ້ຮ່ວມກັນຍົກຄວາມສາມາດປ້ອງກັນຄວາມປອດໄພ ແລະ ຄວາມສາມາດຊ່ວຍເຫຼືອສຸກເສີນຢູ່ຕາມລຳນ້ຳຂອງອີກດ້ວຍ.